مشكلة فى السايبا برايد 2006
السلام عليكم ورحمة الله
عندى مشكلة فى السيارة البرايد الايرانى سيدان موديل 2006
منذ حوالى شهر قمت بتغيير الرياداتير مع الشبكة والفوانيس
من حينها اللمبة الحمراء بتاعت الحرارة منورة على طول حتى اول ما اشغل العربية وطبعا مروحة التبريد بتشتغل برده حتى فى البرد ده هى ولما اقفل العربية بتقف بعد دقيقة
بصراحة من ساعة ما غيرت الرياداتير والحرارة بقت حاجة تانة خالص
الاول كان المؤشر بعد دوران العربية بربع ساعة بيوصل لبعد النص وفى الزحمة بيقرب من الخط الاحمر
دلوقتى العربية مش بتسخن خالص ممكن يوصل للربع بالعافية طبعا كنت قلقان من الحته دى خوفت يكون المؤشر فيه حاجة فصلت المروحة وسبتها دايرة عدى الربع بشوية بس برده اللمبة منورة والمروحة مش بتفصل طول ما انا مشغلها
دا يبقى مشكلة حساس ولا ايه؟
الموضوع التانى
العربية بتدور الصبح بالعافية شكيت فى البطارية طلعت مش هى
غيرت طقم البوجيهات وفلتر الزيت نفس النظام
مع انها لما بتكون سخنة بتدور من اول مرة
بيحصل الأتى الصبح
بتدور بتعافر بس مش بتشتغل بعد كده بتلقت وتقف تانى بدوس سنه بنزين لحد ما تلقت تعافر تانى والعداد ار بى ام يعلى ويرجع للصفر تانى وهكذل لحد ما تدور
دى مشكلة ايه؟
وفيه حاجة تانى
حد ركب سماعات بيضاوى فى اعربية دى؟ وركبهم ازاى ؟ لانى اشتريت سماعات ورحت لواحد لفى اسياخ الشنطة تحت مكان تركيب السماعات ومعرفش يقطع فى الصاج بسبب الاسياخ دى هل ليها حل؟ غير عمل علبه خشب
معلش طولت عليكو
جزاكم الله خيرا مقدما
|