المشاركة الأصلية كتبت بواسطة eng/walaaeldeen
السلام عليكم
ضبط الكهرباء والكاتينه حاجه وضبط خلوص التاكيهات حاجه تانيه
بعد ضبط الكهرباء بتسيب العربيه لغاية ما تبرد خالص ويستحسن تضبط التاكيهات بعد ما العربيه تبات
تفك غطاء التاكيهات وترفع العجله سواء الأماميه لو السياره كبالن او الخلفيه لو السياره كارونه وتخلي حد يلف العجل لغاية ما التاكيهان يكونو مقفولين ثم تهوى الصاموله وتضبط خلوص التاكيه(ده بالنسبه للتاكيه الي في صاموله ومسمار) وهكذا لغاية ما تخلص الأربع اسطوانات
اما الأطباق بتقيس الخلوص لو زياده بتطلع الطبق بعدة وزرجينه خاصه ثم تجيب طبق اكبر او اقل حسب الخلوص
أسف لو لم تفهم الشرح لأن العملى والنظر اسهل من الشرح
والله المستعان
|
بصراحة أسلوبك رائع وانت شرحت كل شىء بمنتهى البساطة شكرا لحضرتك
ياسلام بقى لو تعمل موضوع عن الضبط عملى لتاكيهات اطباق ولتاخذ اى مثال واهو نستفيد من خبرة حضرتك ( ضبط الخلوص - نزع الطبق - تركيب الطبق - أسعار الاطباق - اماكن بيعها - الخامة الكويسة والرديئة - صيانة التاكيهات ) او اى معلومات تفيدنا بها فى هذا المضمار
وممكن تاخد العربية 128 مثال لانى انا عربيتى كده
تقبل تقديرى وللامام دائما
__________________
بسم الله الرحمن الرحيم
{يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن
يُتِمَّ نُورَهُ وَلَوْ كَرِهَ الْكَافِرُونَ }التوبة32
صدق الله العظيم