طبعا انا بقيت مبخوشش على المنتدى غير كل فين وفين
المهم
بقالنا كام سنة بنحاول نشيل جمارك العربيات ومحدش سامعنا وكله فرحان بالعربيات المعفنة اللى جايبها زى الفيرنا واللانوس و انا بقول زبالة عشان لو سافر برة هييعرف انه معاه شوية بلاستيك المهم انا دايما كنت بحلم بالموضوع ده من زمان لانى لما بخوش على مواقع العربيات الامريكية واشوف الاسعار واعود اعيط ههههههه
طب انا شوفت مواضيع كتير و ناس كتير عايزة تعمل الموضوع ده و محدش بيتحرك
مقضيينها مواضيع على المنتدى و صفحات على الفيس
ومحدش بينزل ارض الواقع ودايما كنت اقول مش هينفع نبتدى الا لما يكون معانا شخصية عامة هيا اللى تقود الدنيا
و اخيرا الحلم هيتحقق ان شاء الله
اى واحد فى المنتدى بيحب رياضة السيارات لازم يبقى عارف رامى سرى
رامى سرى يا جماعة زى ابوتريكة بس فى رياضة السيارات وهو مثلى الاعلى
وهو احسن دريفتر فى مصر والتانى على الوطن العربى وكان يستحق الاول بس الكوسة اشتغلت بقى المهم رامى سرى قرر مع كل عشاق رياضة السيارات على الفيس النهاردة ان يوم الخميس الجاى فى اجتماع فى ساحة انتظار السيارات فى جيرو لاند فى مدينة العبور لالغاء جمارك السيارات
الاجتماع مفتوح للجميع ان شاء الله
عايزين بقى نسيب النت والكلام على الفيس والمنتدى وننزل ارض الواقع
انا عارف ان الموضوع صعب خصوصا عشان البنزين غلى وعشان الدنيا هتبقى زحمة والبلد كلها هتجيب عربيات بس ممكن يتحل ان يبقى كل واحد معاه عربية واحدة لانى بشوف ناس كتير معاهم عربيتين زى فيرنا و 132 مثلا
بدلهم يبقى معاك عربية كامرى مثلا
ليه تجيب سيراتو لما ممكن تجيب لومينا
ليه تجيب لانسر لما ممكن تجيب تشارجر
ليه تجيب ريو لما ممكن تجيب اكورد
الفرصة جاتلنا اننا اخيرا هنتجمع وننزل
الاجتماع هنناقش فيه الموضوع من اوله لاخره
ياريت اشوف ناس كتير من المنتدى جاية
واى استفسار بخصوص الموضوع انا موجود ان شاء الله
ده لينك الايفينت على الفيس
http://www.facebook.com/events/475601125824675/
وده البوست بتاع رامى سرى بعد ماتفق معانا
يوم الخميس بليل إن شاء الله الساعة العاشرة مساءً عند ساحة إنتظار "جيرو لاند" في مدينة العبور متفرع من طريق الاسماعلية، هيجتمع جميع الناس التي ترفض الجمارك و ده يعتبر أول إجتماع لمناقشة جميع النقاط المتعلقة بالموضوع... الاجتماع مفتوح للجميع...
حتى لو مش هتيجى ياريت تعمل شير للايفينت