انت مين ادك الحق انك تصنف المصريين علي طريقتك المستفزه دي
وعنوان موضوعك فيه البشر والخرفان مقولتلناش بقي فين هم الخرفان في تصنيفك
اولا لا الله الا الله محمد رسول الله
بس عشان تعرف اني بدافع عن فصيل معين و هم الاقليه اي كانت عشان متفكرش اني بدافع عن الاقباط فانا منهم
تصنيف رقم 5 بتاعك ده بتقول فيه ان النصاري والعلمانيين والملحدين اشد عنف وحقد يا سلام بدليل انهم ماتوا في ماسبيرو ومعملوش حاجه وكنيستهم اتفجرت وبرده معملوش حاجه وده في ظل النظامين فين بقي استعدادهم للتضحيه واشعال الدنيا بدليل انهم قبضوا علي 92 شخص في مظاهرات الاتحاديه بينهم 2 اقباط وده مش كلامي اسامي المتهمين علي مصراوي النهارده يبقوا فعلا اشدهم عنف
وبالنسبه للحقد هيحقدوا علي مين وليه واغلب الاقباط ماديا مستريحين ومش محتاجين غير انهم يمشوا جمب الحيط زي اغلب الاقباط يبقوا فعلا شديدي الحقد
ناصريين - ليبراليين - شيوعيين - وفديين دول بقي في التصنبف الرابع بتاعك الخرافي
خطيرين لن يؤيد ابدا مهما كانت الانجازات و القرارات مثالية و دايما صوتهم عالي و ان كان الوفديين اقلهم عنف
هي فين بقي القرارات المثاليه والانجازات وهم يقللوا شويه من شده خطرهم ولو علي الصوت عالي فالشعب المصري كله بقي صوته عالي ومبيخفش
واخيرا تطهير القضاء من ايه ولا بالعافيه زي اللي حصل امام الدستوريه ومنعم من عملهم
هي الدستوريه تحكم بعدم دستوريه القانون هي دي مشكلتها انه غير دستوري ولا مشكله الناس الجامده قانونا ونزلوا القانون زي العزل السياسي اللي اتعمل في مجلس الشعب عشان شخص بعينه زي قانون الانتخابات اللي وافق عليه صبحي صالح جهبز القانون في الاخوان وبعد كده طلع مش دستوري والناس قالت من الاول انه باطل قبل الانتخابات
وزي التأسيسيه التي لاتحمل اي فقيه في الدستور من العظماء اللي في مصر ولا هو اللي عنده دقن دلوقتي بقي عالم في الدين وفي كل حاجه عشان التاسيسيه يبقي فيها78 شخص اسلامي ومش موجود واحد زي دكمال درويش ولا د شوقي السيد وغيره وغيره كده يبقي عيب القضاه ولا عيب من وضع القانون
احنا كمسلمين مش محتاجين ان الدستور يدينا حقنا لان احنا كده كده واخدينه بالاغلبيه او بالعافيه لكثره عدد المسلمين في مصر ولكن الاقليه هم من يريدون الحمايه
