عاوز أتعلم ميكانيكا وعاوز رائيكم خصوصا الأستاذ الكبير نبيل عبد الرحمن والمشرف الكبير أبو نورا
السلام عليكم
أولا أحب أحيي أعضاء و مشرفين مصر موتورز اللى كان ليهم دور كبير جدا فى أفادتى وتعليمى و حبى فالسيارات و هما السبب فأنى بدأت أفكر أنى أتعلم ميكانيكا سيارات 
أنا أسمى محمد حمادة خريج معهد نظم ومعلومات دفعة 2012 الحمد لله ربنا كرمنى وخدت أعفاء جيش و بفكر حشتغل ايه دلوقتى و بما أنى فالأول فالخيارات قدامى كلها مفتوحة و انا عاوز أشتغل حاجة بحبها عشان مزهقش و أكره عملى
أنا أخدت كورس قواعد بيانات Oracle Database Administration وكنت مقرر أنى حكمل فالمجال ده بس بعده أتعرفت على مصر موتورز و بدأت أحب السيارات و بدأت أسوق و أصبحت أعشق السيارات و أصبح حلم حياتى أنى أشترى سيارة و أشتغل فالمجال ده
سألت أصدقائى قالولى أن فى معاهد ميكانيكا الدراسة فيها بتبقى سنتين و أن فى ناس مجرباها و كويسة لو أن الواحد أجتهد وعمل اللى عليه ربنا حيكرمه و لكل مجتهد نصيب
فأنا دلوقتى سؤالى لأخوانى الأعضاء والمشرفين ايه رائيكم فالموضوع ده ؟ هل أبتعد عن مجال الحاسب الالى و ابدأ فى تعلم ميكانيكا السيارات ؟ و هل لأن انا سنى 21 سنة و بدات موضوع التعلم متأخر سبب لأنى أبعد عن الموضوع ؟ طبعا حضراتكم عارفين أن فى ناس هنا سنها صغير و ما شاء الله عليها تعرف حاجات ميعرفهاش خبراء (بدون مبالغة) أمثال Yahia Ashraf و ShriefAbden و أخرون من النوابغ اللى أدعو ربنا أنه يوفقهم فحياتهم و يحققوا ما يتمنون
ملحوظة أنا أختصيت عنوان الموضوع بالأستاذ أب نورا و المهندس والأب الكبير نبيل عبد الرحمن و ده مش تقليل من باقى المشرفين و الأعضاء اللى من غير ماتكلم كلنا عارفين قيمتهم و عارفين أد ايه هما أعمدة وأسس مصر موتورز ولكن لأن أستاذ أبو نورا درس مثلى شبكات وكوبيوتر و أعتقد انه درس أو يعمل فيكميكانيكا السيارات و المهندس الكبير نبيل عبد الرحمن لحكم خبرته الكبيرة و حكمته و ثقتى العمياء فرأيه
أخيرا أسف للأطالة و أحب أسمع أراء الجميع فالموضوع و ربنا يوفقنى للأحسن أن شاء الله
السلام ختام و دمتم سالمين 
__________________
تذكر دائما أن
الليل هو بداية النهار
والشتاء هو بداية الصيف
والألم هو بداية الراحة
والتحديات هى بداية الخير
والتفاؤل بالخير هو بداية القوة الذاتية
|