[mohamed hashem 87]

السلام عليكم
ياجماعه انا معايا فيرنا 2012 عاملة 15000 كم من حوالى شهر كنت ماشى بالعربية و كل حاجة تمام فجأة لقيت امبير الحراره على مره واحده بسرعه روحت راكن على جنب و بطلت العربية و فتحت الكبوت لقيت الميه فى القربة بتغلى المهم روحت التوكيل و قلتلهم على اللى حصل شافوها و قالولى ممكن تكون قربة الميه مكنتش مقفوله كويس و قالوا انهم كشفوا على العربية و خلاص مفيش حاجة قولت تمام خلاص.
النهاره و انا راجع من شغلى فى المهندسين لبيتى فى عين شمس حصل نفس الكلام فضلت ماشية كويس و كل حاجة تمام و انا بركن العربية تحت البيت لقيت الحراره عليت مرة واحدة تانى فجأة بطلت و نزلت اشوف لقيت الميه فى القربه بتغلى قولت اشيك على القربة لقيتها مقفوله كويس.
مش عارف المشكلة ديه من ايه ياريت لو فيه حد يقدر يساعدنى