رد: مشاكل فى الفيات 128 أرجو المساعدة
تدوير العربية
بطارية صاحية
مارش فاندام
تدور العربية تمام التمام
ما دارتش
يبقى لازم تتاكد العيب من المارش ولا من البطارية؟
اذا كنت متأكد ان الاثنين صاحيين
يبقى العيب اما فى كابل الكونيكت بين الاثنين او العيب فى كتاوت المارش عندك بيهيس
او العيب فى كونتاكت العربية نفسه
ونظرية اختبار الاحتمالات الوسيل الوحيد لتحديد الجانى
وانا أنصحك بنصيحة انا عملتها زمان لما جبت عربيتى
علمت وصلة خارجية من المارش للبطارية جاهزة معايا Portable
علشان لما احس بمشكلة اقدر فى ثانية احدد العيب
اذا العربية دارت خارجى يبقى العيب داخلى وهكذا
عموما راجع الدائرة كلها وانت هتعرف العنصر المعطوب
.....
بخصوص عداد الحرارة
هو لعب فى الضفيرة اللى داخلة من المنور الورانى للتابلوه
عك الدنيا زى عادة الناس دى
وانت غلطان لانك ما رجعتلوش يصلح غلطته
فيه سلك مش فى مطرحه او ملمس مع حاجة تانية عاملة مشكلة فى العداد او فى خطوط التغذية
العربية دى كتاب ومدرسة
كتاب هتتعلم منه واحدة واحدة سيب نفسك وهى هتعلمك كل شىء
ومدرسة لانها الاساس التى كل العربيات الحديثة اتعلمت على اساسها
وتقبل تحياتى
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم
|