المشاركة الأصلية كتبت بواسطة عصام الجارحي
عزرا للتوضيح فقط
EC718 العربية بسعة ماتور 1800 CC
EC715 العربية بسعة ماتور 1500 CC
ولا يوجد اي فارق الا في سعة الماتور
وللتنوية ايضا شركة جيلي شاركت في الاختبار بعربية وليس بماتور
ياريت تكون المعلومة واصلة
والف شكر علي المعلومات |
السلام عليكم و رحمة الله و بركاته
الأستاذ / عصام
أحب اقول لحضرتك أن هناك فروق كثيرة فى السيارة EC715 ، و السيارة EC718
أنا مش هاتكلم على رفاهية خاااااااااالص
يعنى مش هاقول لك فتحة سقف
و لا كراسى كهرباء للسائق و ضبطها فى ثمانى اتجاهات
و لا كراسى كهرباء للركاب
و لا شاشة مراقبة لضغط الاطارات الأربعة للسيارة
بس على الأقل من واجبى أقول ان السيارة
EC715قوة موتورها 1500 سى سى تولد قوة حصانية 107 حصان فقط
EC718 موتور 1800 سى سى قادر على توليد 138 حصان
ولااااااااااااااااااااااا اااكن المهم
اللى انا نوهت له ان السيارة التى حازت على أربعة نجوم فى اختبارات التصادم الأوروبية كان بها العديد من وسائل الأمان ( أحزمة أمان متعددة النقاط ، اكياس هواء جانبية لكل ٍ من السائق و الراكب الأمامى لحماية الجسم و الرأس )
أنا عارف طبعا ً ان جيلى دخلت الاختبار بعربية و ليس بموتور زى ما حضرتك كاتب ، بس كل اللى يهمنا ايه هى وسائل الأمان اللى فى العربية دى ؟؟؟
ياريت العربية اللى عند غبور تنزل كدة زى ما شفناها فى الفيديو بس اللى انا متأكد منه ان EC715 بها ( اثنين ) Airbag فقط أمامى !!!
أنا أتمنى ان السيارة المجمعة محليا ً تكون بنفس جودة التقفيل المستورد ويكون بها العديد من وسائل الأمان.
و على فكرة أنا من أشد المعجبين بالسيارة امجراند و ممكن أشتريها كمان بس الأول اطمن ليها من حيث الثبات على السرعات العالية و الأمان طبعا ً
وأنا شاكر لأى عضو فى المنتدى يحب يوضح أى معلومات جديدة لاستفادة الجميع
