المشاركة الأصلية كتبت بواسطة سيف الدين سعيد
الحل الوحيد ان محمد مرسى يسيبها . ونلغى الإعلان الدستورى . ونلغى الجمعيه التأسيسيه ونقيل الوزاره . ونضرب الداخليه . ونسجن جماعة الأخوان او ننفيهم خارج مصر . وبعدين نتجمع فى ميدان التحرير ( الـ 90 مليون مواطن مصرى - لأ الـ 85 مليون بعد نفى وسجن جماعة الأخوان ) كلنا نتجمع فى ميدان التحرير . . وكل واحد يتقدم برأيه ومطالبه ورؤيته لكيفية حكم مصر . ونشوف مين من الـ 85 مليون مواطن ممكن يصلح رئيس جمهوريه بشرط ان الـ 85 مليون الا واحد يوافقوا عليه . وبشرط ان ينفذ مطالب كل مواطن حتى من يريد ان يدخل الحمام . واجب على رئيس الجمهوريه بصفته رئيس لكل المصريين انه يساعده وييسر له راحته .. ربنا وحده اللى عالم نظرياتكم وآرائكم دى حاتروح بالبلد على فين . خليكوا إهدموا أى حجر ممكن يكون ركيزه للمستقبل هاتوا آخرها وبكره نشوف مصر حاتروح فين ..
على فكره يا جماعه : دى آخر مشاركاتى فى حديث سياسى . وأنا آسف جدا انى اشتركت فى الحديث رغم انى منذ الثوره لم اشارك فى اى حديث سياسى بالمنتدى . . وكنت اتابع فقط .. أخونا وائل . كانت بتعجبنى جدا ثوريته وحواراته الثوريه المتقده رغم اختلافى معه فى بعض آرائه وانفعالاته . بس الحديث ده مع الأسف خلانى عرفت ان سعد زغلول منذ أكثر من 100 سنه قال حكمته الشهيره ومات : ( مافيش فايده ) .يا خساره يا مصر ..
على فكره يا جماعه أنا مش اخوانى ولا أنتمى للأخوان .. وبأكره الأخوان . . . بس بحب مصر .
|
سيدي الفاضل استاذ سيف واضح جدا انك مش اخواني ولا تنتمي لهم وبتكرهم بدليل ان اي واحد تيجي تناقشه و تجادله او تعارضه يقولك المقوله الشهيره انا مش اخواني الي اعتدنا عليها في جميع المواقع والمناقشات
والدليل الاخر انك بتقول لنك مشتركتش في اي حديث سياسي من ساعه الثوره بدليل موضوع من موضاعتك اسمه رأيك يهمنل يا كل مصري وبتتكلم فيه عن القضاء بحديه وطبعا انا مش هدور علي الكام الف مشاركه بتوعك وادور لانه ميخصنيش بس ده عشان في موضاعاتك فظاهر
ودليل اخر ان بتوجه الكلام لابو نورا وبتقوله انتم ونظرياتكم هتودي البلد علي فين يعني لللي معارضك يبقي انتم واحنا
ودليل اخر انك عارف عدد الاخوان الفعلي اللي بيتحركوا ورا الرئيس في كل حاجه بدليل انك مركز اوي وعارف انهم 5 مليون
واخيرا في نهايه النقاش ختمتها بمقوله الزعيم رئيس حزب الوفد اللي دلوقتي بيكفروه ويقولو حزب علماني وليبرالي وكافر مع انه طول عمره كان ومعارض ويا خساره يا مصر بدون الاخوان
واضح ان مش اخواني فعلا
طبعا انا لا اجزم اذا كنت اخواني اولا
ولكن لا يهمني انا حكمت علي طريقه كلامك بادله وذكرتها ولن ارميك بالباطل وحتي لو كانت غلك فدي وجهه نظري