[myson medo]

المهم هتشترى لبس او شوز هتلاقى حاجات ماركات وحلوة اوى بس هتدفع اساعار محترمة فمش تكتر بقى
فى مكان قالولنا عليه رخيص شوية رحنا فيه ومش فاكرة اسمه بس مش جبنا حاجة منه لان الحاجات اللى كانت فيه واقعة قوى زى الاسواق الشعبية هنااااااااا
بالنسبة للاكل كويس انك نازل فى فندق بفطار وعشا لان الاكل برده غالى والمشروبات كمان وكله بالدولار
يعنى مثلا العصير بما يعادل 14 جنيه وده سعر التيكاواى - المهم لو تعرف تاخد معاك بويلر وشاى وسكر افضل يكون فى اوضتك هيوفر معاك كتير بجد لو بتحب المشروبات يعنى ونسكافيه وكده -
انا كنت واخدة معايا ماية من الفلتر لانى مش بحب الماية المعدنيه ومش بشربها غير لما اتزنق قوى وبرده مش بعرف اشرب الماية العادية فاخدت معايا ماية فلتر فى ازايز ماية معدنية وفرت معايا برده بس توفير غير مقصود