29-11-2012, 10:12 PM
|
 |
من انا؟: أعشق السيارات، أحب اليابانية، الكورية، ولا أفضل الأوروبية
التخصص العملى: استشاري نظم جودة
هواياتي: السيارات - الكمبيوتر
|
|
تاريخ التسجيل: May 2011
الموقع: جدة - المملكة العربية السعودية
المشاركات: 692
|
|
رد: حيل بسيطة لتقليل استهلاك السيارة للوقود
المشاركة الأصلية كتبت بواسطة aymanabdelwhab
لانك هتوفر كتير عشان التريله هتحميك عن طريق مقاومه الهواء اللي جاي في وش العربيه ... فكره جامده جدا
|
من أغبى الحركات اللي ممكن تعملها وانت سايق إنك تلزق في العربية اللي قدامك... تريلا ولا نص نقل ولا حتى موتوسيكل
انت ببساطة مش شايف إيه اللي قدامه عشان تلحق نفسك في أي موقف خطر...
تصور إنه اضطر يضرب فرامل بقوة.... إيه موقفك انت ساعتها؟؟؟؟ متهيألي ممكن تبقى واقف تحت المقطورة!!!
هحكيلكو على موقف حصل معايا:
أنا كنت مرة ماشي على الصحراوي بالليل وراجع اسكندرية... وأنا ماشي عند النوبارية كده حسيت بخيال في المراية... بصيت كويس في المراية الجانبية لمحت عربية نص نقل لازق في العربية من ورا (المسافة مش أكتر من نص متر ما بيني وما بينه)، والبيه بسلامته طافي كل أنوار العربية علشان ما أشوفهوش.
قلت ازود السرعة عشان أبعد عنه... لقيته لازق بردو... طيب أخفف السرعة ... مفيش فايدة... طيب آجي يمين ألاقيه ورايا... أروح شمال بردو ورايا... قعدنا على كده حوالي 5 دقايق.
اتوترت جدا... قعدت أفكر... افرض حد جاي من ورانا مش حيشوفنا عشان سيادته مطفي النور... افرض أنا اضطريت أفرمل عشان حد معدي بالليل، أكيد هيلبس فيا ... أو ممكن أفادي اللي بيعدي بس أكيد اللي ورايا هيشيله!!!
أنا كنت ماشي على 120... رحت زغدت الفرامل مرة واحدة ... لقيته عمال ييجي يمين وشمال ومش عارف يلم العربية... وبعدين احترم نفسه وهدّا ومشي على اليمين...
هو صحيح طلع بعد كده يجري بعيد عني... بس يارب يكون أخد درس من الموقف ده
تفتكروا لو انتو في الموقف ده... هتتصرفوا ازاي؟؟؟
...
|