بسم الله الرحمان الرحيم
انا معايا تويوتا تيرسل 94
بصراحة اصيلة بنت اصول
بس جاتلي فترة كنت كرهت كل التويوتا بسببها
والحكاية كالاتي :
بدئت الاحظ ضعف في عزم العربية
جبت طقم بوجيهات وركبته,بالكتير اوي بقت احس بـ 40%
مممممممممممممممممـ.... اتعودت لما يحصل كدا بغير بوجيهات
وبقدرة واحد احد العربية بقى استهلاكها في البنزين ولا الهمر
و احاول اشد بيها وادوس فين وفين على ما تستجيب
ومطلع مايجيش مطب مبتتحركش وحاسس اني طالع جبل
العربية بتنهج الموتور يعلى ويوطى
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ
قصة الأصلاحات::
واحد يقولي الشكمان مسدود
طب يهديك يرضيك مفيش فيدة وعمل الي في دماغو
الإصلاحات:
اصلاح تسريب بصيط في الزيت ولحام صغييييير
النتيجة:
تحسن بسييييييييييييييييييييط في صوت الموتور والتسارع
تغيير فلتر هواء:
لا يوجد اي فرق
ومطولش عليكو قصة اصلاحات حوالي 4 شهور
وفي الآخر عايزة عمرة
وربنا هداني ليميكانيكي شاطر وابن حلال
وجرها وساقها قالي عايزة الكلتش يتغير
وقلت فلوس بفلوس ماهي خربانة خربانة
وقالي هاتها المغرب وخدها العشاء
قولت ماشي ياعم مافيش مشكلة
النتائج:
العربية رجعت زيروووو يامعلم
تاتش خفيف على البنزين الاقي العربية بتجريييييييي
العزم كئنها نصف نقل مش محملة
وكله زبادي خلاط
وسبب تآكل الكلتش
اني جاتلي فترة عايش في مناطق جبلية وبطر اطلع مطالع بزاوية 90
وحبيت اقول تجربتي للإفادة
دمتم بود
