[حبيب الناس]

هوا ده كتاوت النور
عباره عن اثنين كتاوت في علبه واحده كتاوت للنور العالي وكتاوت للنور الواطي
وكل كتاوت بيخرج منه سلكين سلك للكشاف اليمين وسلك للكشاف الشمال
ودول مكانه اللاربع ارجل الي خارجين من المنتصف
فاضل هنا اربع ارجل اخري وهما خاصين بدخلو الكهرباء النور العاليأو الارضي من الذراع ودخول الكهرباء للنور الواطي أو الارضي من الزراع
ورجل لدخول الكهرباء من البطاريه مباشرة ويفضل وضع فيوز قبل هذه الرجل والرجل الرابعه لدخول الارضي لكي يعمل الكتاوت وتقفل الداتره

-----------------------------------------------------------------



ده شكل الكتاوت من الدلخل بس تالف مش سليم




د كتاوت واحد بس وهيا هيا نفس الفكره
-------------------------------------------------------
طريقة عمل الكتاوت وفكره تشغيلها



الفكره ببساطه ان لازم يكون فيه معايير دوليه علشان العربيه تتعمل والمعايير الدوليه ده لازم كشافات الاضائه تكون للنور الواطي 45 وات والنور العالي 60 وات
لكن مع الاضائه ده احنا مبنشوفش فنعمل ايه نجيب لمبات الواتي 200 والعالي 260 بيكون نورهم مبهر لكن الفرق الكبير ده في سحب الامبير هيجي منين
لان اكيد الشركه المصنعه عامله ذراع النور يستحمل لحد المعايير الدوليه اللي هيا 55 - 90 اعلي من اللبات علشان الدراع يستحمل ويعيش علشان كده فيه ناس زي حالتي جابت اللمبات ده وركبتها مباشره من غير كتاوت لان الذراع يستحمل التيار بتعهم
طيب لو جيبنا اللمبات ال 200 - 260 اول ما ننور النور وبعد خمس دقائق السلك والزراع مش هيتحمل كمية التيار الكبيره اللي ماشي فيها وهيسخن ويسخن لحد ما السلوك تسيح هيا والمفتاح تحدث الكارثه ..........
طيب الحل ايه
الحل ندي للكشافات نور مباشره من البطاريه يعني ناخد سلك من البطاريه نوديه للكشافات وطبعن هيكون سلك بسماكته اكبر من اللي راكب في العربيه
يعني هنجيب سلك 4 مللي او 6 مللي اللي في العربيه 2 ملي
طيب هنور ونطفي النور ازاي ؟
اننا نجيب كتاوت
الكتاوت ده عباره عن مفتاح بيفتح ويقفل بالكهرباء يعني بنتحكم فيه بالكهرباء اوزينه يفتح ويسمح بمرور الكهرباء نديله كهرباء الكهرباء هتمشي في السلك النحاسي وتحول القضيب الحديد اللي في قلبها لمغناطيس فيقوم بجذب نقاط التلامس ويسمح بمرورا لكهرباء اللي جايه من البطاريه مباشره يخليها تورح للمبات واول ما نفصل الكهرباء عن الملف يفقد القضيب الحديد مغناطيسيته فتبتعد نقاط التلامس فتفصل الكهرباء القادمه من البطاريه عن اللمابات
يعني احنا هنا هنركب كتاوت علي دراع النور بد ما اللمبات راكبه علي دراع النور هنقص السلك اللي رايح للكشافات ونوصله للكتاون يبقي بدل ما نولع النور نشغل الكتاوت وتوصل كهرباء للكشافات ونطفي النور نطفي الكتاوت ويفصل الكهرباء عن الكشافات

اخيران توصل اللمات يوجد طريقتين علشان الكشافات تنور وهما اما ان يكون الذراع بيفصل ويوصل كهرباء
او في التصميم الياباني الزراع بيفصل ويوصل ارضي والكهرباء راكبه دايركت علي النور
لان يوجد نوعين من الكتاوت
كتاوت كهرباء
وكتاوت ارضي

نرجع بقي لصاحب الموضوع الاصلي
لو انت عاوز تغيير اللمبات وتجيب لمبات اعلي هتركب كتاوت مش هتأثر علي اي حاجه في العربيه بس لازم كهربائي محترف وبيفهم هوا اللي يعملهالك
لو مش هتغيرر اللمبات تركيب الكتاوت لن يؤثر في شيئ الا تحسن بسيط غير ملحوظ علي الاضائه

قبل ما تركب لكتاوت او تغير اللمات
يجب عليك التأكد ان اللمبات اللي راكبه كويه ومضعفتش من كتر الاستخدام
يجب التاكد من الذجاجا او الباغه الخارجيه للكشفات نضيف ولا لا
يجب التأكد ان القمره الكواكس داخل الكشفات نضيف وهيا تشبه المرايه بالظبط ومش مصفره ولا متسخه بالاتربه
لو كده يبقي نظف الكشافات الاول
يجب التأكد من التوجيه الصحيح للكشافات
يعن الكشافات راتميه النور علي الارض مش ضاربه النور في السماء
وده انك تقف امام حائط وتسب بينك وبينه حوالي 4 او 3 متر ويستحسن يكون المكان مظلم وتنور النور وبعده هتعرف نورك رايح فين متوجه صح ولا ضارب في السماء

لو عملت كل اللي فات ومفيش تحسن للأضائه هتروح لكهربائي يكون ثقه وبيفهم وشاطر ويخليك تجيب كتاوت نور ولمات قدرتها اعلي وحوالي 4 متر سلك وترامل