رجة ملحوظة في يارس 2007
السلام عليكم وكما تعودنا دائما من أعضاء مصر موتورز الكرام إننا الحمد لله بنساعد بعض دايما لوجه الله.
العربية: تيوتا يارس 2007 أوتوماتيك
الكيلو متر: حوالي 200000 كيلو متر.
الملاحظات:
رجة جامدة والعربية واقفة على الـ N وعداد الآر بي إم بينزل لتحت ال 5000 ومش ثابت بينزل ويطلع وأول مايزل العربية تترج ويرجع يرفع تاني, لو جيبت الـ D الرجة بتزيد جداا أكتر ماهي أصلا زيادة, لو شغلت التكييف بقى وأ،ا واقف مش دايس بنزين بتضل تترج على طول وبشكل أكبر.
وقت ظهور المشكلة:
فجأة وبدون أي مقدامت كنت راكن العربية يمكن لمدة شهر أو حاجة وكنت في أجازة ولما جيت أركبها لاقيت طبعا البطارية نايمة شحنت ودورت والرجة دي كانت موجودة قولت يمكن لسة البطارية ضعيفة وعلشان كدة العربية بتترج وفعلا بعديها على بليل بعد ما لفيت كام مشوار كدة بالعربية إختفت تماما وبقت زي الفل,
إمبارح بقى لاقيت الرجة دي موجودة تاني لوحدها وملحوظة جداااااا والعربية مكتومة ومابتسحبش خالص ولما بدوس بنزين بشكل صغير بتختفي ولو عايز أسحب شوية بتترج كإنها زلزال حتى باينة على شكل العربية من برا لدرجة إني بلاحظ إني الناس بتتفرج على العربية الي بترقص (حاجة تكسف).
آه على فكرة من كام يوم وقبلالمشكلة دي كنت بغير زيت وكنت عملت فوق الزيت حوالي 2000 كيلو والزيت كان إسود قومت مغير الزيت والفلتر ومنضف الماتور بمكنة كددة في مركز الصيانة وحطيت منظف رشاشات وصوت الماتور هديييييي جدا بعدها والسحب بقى أكثر من رائع (مع العلم إنها ماكنتش فيها أي مشكلة أصلا) إستمر الحال على كدة لحد إمبارح بقى وبدأت اللخبطة دي معايا.
أنا بس عايز توقع لسبب المشكلة علشان أعرف أروح لمين علشان يصلح إيه؟
ومتشكر مقدما على المعاونة يا جماعة جزاكم الله خيرا.
|