[حازم شاهين]

المشاركة الأصلية كتبت بواسطة nktis بعد ما قرات شويه و بدا الاحمر و التحذير و الكلام بقي رموز وارقام بس مجهود و تجميع ميسر و جميل .,. بس سؤال .؟. هو الاي كي ده كمبيوتر صغير و لا منه تليفون برده .؟. يعني ايه روت .,. فرمته و تسطيب البرنامج المشغل زي قصه تسطيب الويندوز و لا ايه .؟.

ههههههههه

شكرا على كلامك الجميل
هو الموضوع سهل للى عنده فكرة عن الأندرويد و موبايلاته

حتى إللى معندوش التاب أو إصدار الأندرويد إللى أنا بتكلم عليه ممكن ما يعرفش بالظبط منين يودى على فين

عموما الأى كى ده عبارة عن تاب زى الأى باد كده بس بيشتغل بنظام تشغيل الأندرويد زى تاب جلاكسى من سامسونج

التاب عموما معمول للإستخدامات الخفيفة زى تصفح النت و الألعاب و قراءة الكتب إنما مش متخصص قوى فى الأعمال إلا لو كان شغلك معتمد على النت فقط (زى الجماعة بتوع البورصه مثلا)

التاب فيه منه أنواع زى التليفون تقدر تعمل بيه إتصالات و مكالنات زى جلاكسى تاب
إنما تاب الأى كى الصينى عبارة عن تاب رخيص مفيهوش مكالمات و لا حتى توصيل النت عن طريق شبكة المحمول

أما الروت فده ليه قصة صغيرة و هى إن نظام التشغيل المحطوط على أى تليفون أو تاب بيبقى محمى علشان محدش بقصد أو بدون قصد يشيل ملف أو يعدله فالتليفون يقف أو يخرف

الروت بقى بيدى للمستخدم العادى صلاحيات إنه يلعب فى نظام التشغيل إللى هو الأندرويد و يخلى الموبايل أو التابلت يعمل حاجات عجيبة.

أو ممكن عن طريق الروت تشيل نظام التشغيل خالص و تحط إصدار أحدث منه ... و هكذا