اهلا بيك فى مصر موتورز الاول
فريم البولو معمول انه يتفك بكلبس او اثنين بطريقة معينة من تحت درج طفاية السجاير
للاسف بيتكسر لان الكهربائى غالبا مبيكونش عنده وقت انه يشوف ازاى بيتفك وبيكسره ويخلص
وبعد اول كسر بيضعف وبيكون معرض على طول للتكسير بعد كدا
لحل مشكلتك
فريم البولو موجود وبكثرة :
1 - فى الحرفيين - تنزل شارع المرسيدس وتروح اى محل عنده حاجات استيراد vw
هتلاقيه بيقولك الفريم مع التابلوه قولو شكرا وشوف غيره
الفريم بزراير التكييف بحدود 250 - 300 بالكتير اوى ويكون جديد مخلوع من تابلوه ادامك
2 - ممكن تروح توكيل ابيزا فى شارع رمسيس والناس دول محترمين وحاجتهم مش غالية الفريم الجديد كلو بـ 500 جنيه من برا
بيشوف عالكمبيوتر عنده عنده الفريم ولا لا ولو مش عنده بيجبهولك فى خلال 10-14 يوم من برا بنفس الـ 500 جنيه
انا روحت لهم مرة علشان اجيب كالون باب التابلوه
عادى ناس محترمة وبيفهموا
وان شاء الله اى استفسار فى البولو هتلاقى اجابة شافية بإذن الله
تحياتى