المشاركة الأصلية كتبت بواسطة حبيب الناس
فاكر فيلم احمد حلمي
لما رجع لقي عربيته الميني كوبر قاعد علي السقف بتاعها كلب
وفضل يحدف الكلب بالطوب وكسر زجاج السياره بالكامل الكلب منزلش
ههههههههههههههههههههههههه ههههههههههههه
انا حصلي كده انا عربيتي ماروتي والسقف ضعيف حبتين
لقيت كلب نايم عليها ومطبق السقف
انا كنت سايبها في جراش في الشارع جمب الشغل
ورايح اركبها هروح مشوار وسط البلد ربع ساعه واروح
ولقيت الكلب نايم علي سقف العربيبه ومطبقه لتحت
وطيت اجيب حاجه اضربه بيها علشان ينزل والحصره تملي قلبي علي السقف
افتكرت الفيلم بتاع احمد حلمي
قولت يبقي ازاز وسقف
روحت مقرب للكلب وقولتله خلي بالك مش هتأخر عليك ربع ساعه وراجعلك هههههههههههه
وروحت المشوار مشي ورجعت ملقتش الكلب
ودخلت جوا العربيه رديت السقف واخدتها ومشيت
بس بجد حاجه تحزن قوي
|
أنا حظي في القطط - العربية بالنسبة لهم عبارة عن مبولة عامة لدرجة إني بقيت أقرف ألم الغطاء من الريحة المقرفة ولدرجة إني ساعات اول ما أركن ألاقي قطة واقفة كدة مستنياني أغطي العربية و لسان حالها (( خلصنا - أنا مزنوقة )) و الحقيقة أنا مأقدرش ما أغطيش العربية لأن التراب صعب جداً لدرجة أنا ممكن أشوفه بعينيا و هو بيتكوم على العربية.
أما بالنسبة للكلاب فكيفهم السقف بس السقف عندي جامد شوية بس طبعاً خد عند آثار أقدام الكلب اللي بتعلم على الغطاء كله و شعر الكلاب المقرف في كل حتة.
و شارعنا فيه جامع والحمد لله و لكن ياويلك لو ركنت جنبه يوم الجمعة كل اللي خارج يربط رباط الجزمة أو حتى يعد الشبشب على الإكصدام و طبعاً أنا حاطط الغطاء و لك أن تتخيل.
و مرة نزلت لقيت تلات تحوشة (جمع تحش بكسر التاء) قاعدين على الكبوت من قدام - الكبوت كويس لكن البهوات قاعدين على السوكة من قدام فطبعاً بعد ما عزمت عليهم بالمشاريب لأن ما يصحش يناموا على العربية كده من غير واجب - لقيت الكبوت بيدقر في الشبكة و مش عايز يفتح و إعدل يا عم في الصاج التخين.
لدرجة إني من زهقي بعد ما أركن و أغطي بقيت أجيب تراب من الشارع و أوزعه على الغطاء قدام و ورا و ساعات من غلبي أرش ميه عشان تبقى طينة .
بالنسبة للقطط والكلاب عملت تركيبة من الكربونات والشطة و خلطتها كويس و بأوزعها كل فترة على الغطاء لأنها بتطير مع الوقت و مفروض إنها بتطفش الققط و الكلاب و النتيجة أحسن من مافيش.
و بأفكر في موضوع الزيت على الغطا أنا شايف ده حل مناسب قوي بس يلزمه تبطين الغطا من ورا في أماكن الزيت عشان ما يبهدلش العربية
أسف إذا كنت طولت عليكم بس من قهرتي
:k_crying7 7[1]:
