[طارق عبد السلام]

المشاركة الأصلية كتبت بواسطة a7medozoo ده يا استاذ طارق لان مرورك ذات نفسه منظم وفى طابور اصلا لكن انا مرورى البساتين موجود فى صقر قريش ده مرور زباله اصلا العربيات بتدخل تركن فى اى حته فاضيه وتفتح الكبوت وتقعد تجرى ورا مهندس البصمه عشان يجى يرفع البصمه ومبيجيش غير لما تلمحله انك هتديله فلوس واللى مساعده على كده الظباط الكبار ده انا كاتب فى كلامى ان الظابط اللى عمل استعلام المباحث قالى روح هات كرت شحن قدام الناس اللى موجوده كلها عينى عينك ولو قلتله لا عمره ما هيخلص الورق و واحد زى مهندس الفحص ده لو مدتلوش فلوس هيوقفك جنبه لغاية الساعه متعدى 12 والخزنه تقفل ..... يا استاذى ده المرور ده فيه مهازل ده امتحان الرخصة الخاصة الظابط اللى بيراقب بيبقا واقف لو اتديت 50 جنيه للموظف ولو العربيه بطلت منك بيسبك تدورها تانى لو جيت تخبط قمع بيشيله وكل ده قدام الظابط وقدام الناس كلها المشكله فيهم هما ده لو مرور محترم زى اللى بتتكلم عليه كانت الناس التزمت وتقبل تحياااتى

ياستاذى الفاضل انا عارف ان فيه ظروف بتتفرض علينا فى اماكن بها موظفين اشباه رجال وان شاء الله ربنا لن يبارك لهم لانهم يأكلون اموال الناس بالسُحت
انا كنت من فتره كبيره لحظى السىء انى تعاملت مع مرور السلام (والعياذ بالله)
وتعامل وهمجيه لا تمت للانسانيه بشىء واصغر موظف كان بيتنك على عميد شرطه قائد مرور السلام
ربنا يهدى الناس بجد البلد دى محتاجه كتير والناس عايزه اعاده تأهيل وربنا يستر على الجميع
واعتذر لو فهمت كلامى فى المشاركه بطريقه مختلفه انا لم اقصد حضرتك نهائى انا كلامى على عدم تعميم التجربه
وترك الموضوع للظروف
تقديرى لحضرتك