[أيمن الروبي]

المشاركة الأصلية كتبت بواسطة a7mdaly ارجو الافادة انا بقارن بين الشاهين - الريجاتا -فيات 131-132 - لادا 2107 - اسكودا فيليشيا - سوزوكي سويفت - سيات ابيزا و ذلك من حيث التحمل و كثر السفر كل اسبوعين حوالي 400 كسلو رايح جاي و قطع الغيار و قلة الاعطال ولو فيه سيارات احسن من دول ارجو الافادة مع العلم ان المبلغ اللي معايا من 20000 جنيه الى 25000جنيه

حضرتك انا هقولك رأيي وده من واقع تجربتي
المبلغ اللي معاك يجبلك 132 2000 نضيفة جدا وهيفيض معاك كمان وهتبقي ركبت مرسيدس الفيات باور تكييف ازاز كهربا شياكه العفشه لو رجعتها جديده هتحس انك معاك عربيه ركزبه بجد موتور جبار وغول بتاع شقي اتزان علي السرعات العاليه مع كاوتش جديد وجنوط تمام ال 140 بالنسبلها كأنها 80 فخامة الصالون متانه لو موتورها مظبوط وتمام انسي الاعطال واستهلاك البنزين تحس بمتعتها واطمئنان في السفر مع احترامي للعربيات اللي بتفاضل بينها الشاهين مشاكلها كتير وبيبان عليها الشقي بسرعه الريجاتا مقرفه زي ال 128 اللادا خشنه وعفشتها تقلق ومش واسعه زي ال 132 ال 132 اوسع عربيه في اللي حضرتك ذكرته ومخدتش لقب مرسيدس الفيات من فراغ ادخل حضرتك علي الرابطه بتاعتنا وهتقتنع

بس الاهم تكون حالتها نضيفه يعني الشاسيه والبودي تمام قطع غيارها موجوده عادي بأسعار في المتناول عدا الصاج بتاعها غالي شويه بس طبعا محمل وبيعيش
وفي السفر انساها انا بسافر بيها كل اسبوع من غير استعدادات ولا حاجه بس انا مش مهمل في صيانتها وكنت في الغردقه بيها من شهرين سافرت من القاهره للغردقه بدون راحه في الطريق في اربع ساعات ورجعت برده من غير ما اريح في الطريق والعربيه لحد 160 معاك عادي غول في السفر انا مغير عفشتها من سنيتن وساكن في منطقه مكسره ومسألتش في العفشه لحد دلوقتي

http://www.masrmotors.com/vb/showthr...80993&page=156