السلام عليكم ورحمة الله و بركاته
رجل المستحيل
بصراحة و مع احترامى لكلام حضرتك فانا لا اقبل تزويج ابنتى بهذا السن
ده لو عندى بنت لاننى اولادى رجال واحمد الله عليهم
هل احنا فى مصر حلينا مشاكل الشعب المصرى و مشكلتنا العويصة الآن هو سن زواج البنت
ده يا فندم لو حصل نبقى هنشجع التجارة بزواج بناتنا للاثرياء العرب و ليه الاثرياء و الفقرا اكثر
اللى مش هيقدر يتزوج فى بلده يجى يحمل من مصر ماهو الفقر و الحاجة و الجوع سيدفع الناس
لبيع بناتهم و التجار بهمن بأبخس الاسعار
عار علينا بصراحة مناقشة هذا و ظروف البلد بهذا الشكل
ده احنا عندنا مشاكل بالهبل
فين الاصلاحات الاقتصادية و السياسية و التعليمية و و و و و و
لو قعدت اقول من هنا للصبح مشاكل مش هخلص وانت تعلم جيدا
مشاكل البلد كتيييييير
مشاكل التعليم كتيييير
رغيف العيش الغاز الكهرباء البنزين البطالة الاسكان وبلاوى تاية كتيييير
ربنا يعين الرئيس مرسى ويعين اى رئيس يمسك البلد دى لمدة 10 سنوات الجاية
الفساد و الاهمال اللى من 30 سنة و اكتر مش هيتصلح فى وقت وجيز
بس لازم يبقى فيه اولويات لحل المشاكل
بالله عليك لما احنا نصدر قانون بجواز البنات فى سن 13 و لا 14
البنات اللى سنهم وصل لل30 سنة و اكثر نعمل فيهم ايه نولع فيهم و نحسرهم اكتر على نفسهم
لما حضرتك هتلاقى انت و غيرك من الشباب فرصة الزواج وانت سنك مثلا 35 ( يا دوب على ما تكون جهزت الشقة و خلافه ) وامامك بنتين 15 سنة و 30 سنة ومتربيين و بنات محترمات وكل حاجة
هتختار مين :؟؟؟؟؟؟؟
يا جماعة مشاكل البلد اكبر بكتييير من مناقشة هذه الامور فى هذا الوقت
هدانا الله جميعا لبناء البلد
وبعدين فى حاجة كمان
هو احنا هناخذ امريكا قدوة لنا فى زواج بناتنا حاشا لله
فلتذهب امريكا وقوانين زواجها الى الجحيم
هيهات هيهات ان نقتدى بها او زواجها
طيب ما بيحصل فى امريكا بلاوى نعمل زيهم!!!!!!
