[ahmed okby]

انا خلاص اتفقت وخدت معاية فرقة ميكانيكى وسمكرى وسواق
اصل الصدف بتلعب دور العربية طلعت فى منطقتنا وصاحبها من احد عائلات المنطقة زى عيلتنا فمفيش اى قلق من اى احتمال نصب ورخص مزورة والجو اللى بنشوفه ده هنا كله عارف بعضه وفى احترام فرحت جبت الناس الثقة اوى من قرايبنا وجابو ميكانيكى معرفة لان طبيعة شغلهم فى مجال الرخام ومحاجر الرخام فبيتعاملوا فى عربيات كتير تصليح وسواقة المهم استغلت قرب المسافات ورحت على العربية الناس بعد فحص للعربية وحصر العيوب استقروا بسرعة على ان العربية دى لقطةوفى حاجات فيها حالتها توصل للممتازة الماتور ممتاز السمكرة تتلم العربية واقفة على حيلها الكرونة جيدة بطارية جديدة جنوت اسبور وكاوتش جديد من شهرين فوانيس شبورة كل حاجة شغالة عدادت وانوار ساوند سيستم حلو قلتلهم على قصة العربية اللى خلصت ب21 قالى دى عربية كانت بتطلع الجبل وطالع عينها ومغيرة ربع فالراجل كان ماسك فى 26 وقال جالى تاجر على 25 ورفضت هما نصحونى ان العربية دى تخلص 24 المهم هى خلصت على 24 ونص وصاحبها كان كل شوية يفتح النت فى الموبايل ويقول دى فى اوحش منها ب29 و30 قلتله ملناش دعوة بالنت دلوقتى انا كدا ممسكتش فى كلمتى فتفقنا على 24 ونص وهنخلص بكرة ان شاء الله