رد: لمبة الدينامو نورت لعربيتي 128
الكتاوت الخارجى انيل وأضل سبيل من الداخلى
أردأ صناعة وأقصر عمر وتضييع للوقت والمجهود وتوصيلة وحوار
وجربناه قبل كده ومش عملى اطلاقا
وبعد كام يوم او شهر هترجع اللمبة تتلعقلق وتطلعلك لسانها
المشكلة باختصار لازم دينامو صح بكتاوت اصليه
شوف عايز كهرباء مضبوطة
يبقى دينامو أصلى استيراد على الفرازة يتعمله تفتيش ذاتى ( زى الامريكان ما بيفتشوا العرب دلوقتى فى مطار نيويورك )
وتتاكد ان الكوليكتور والملف والسيليكونات بتاعة بلادها ( حبيبة ولادها )
والكتاوت يكون ابن حلال مصفى لسه بخيره زى لبن بخيره
هو ده الكلى الصناعية لدائرة الشحن ال عشرة على عشرة
تحطه على الدائرة وتجيب كلامب امبير خاص بيقيس التيار المستمر ( خلى بالك التيار المستمر المنتظم مش المتردد) وتقيس الخرج وهو راكب على العربية
لقيته بيطع الامبير المطلوب حسب كتالوج العربية
الامبير فى حالة عدم وجود احمال والامبير عند أقصى rpm
لقيته بيكبش ويرمى للعربية كهرباء تمام
تمد ايدك تفرح التاجر باللى يطلبه
وتوته توته خلصت الحدوته
وجرب اللى قالوه الاخوة الافاضل واستاذنا مستر أسترا زى ما وجهك وقالك ممكن مياه البطارية مش مضبوطة
وما تنساش فى كل الاحوال تدعيلنا
الدعوة بظهر الغيب
احسن تجارة الكترونية فى الدنيا كلها
تقبل احترامى
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم
|