عندى تلت مشاكل فى السيارة معرفش عادى ولا ايه والعمل ايه ؟
معايا لانسر 98 اوتوماتيك
كان فيه مشكلة ان البطارية كانت بعافية حبتين
المهم غيرتها بواحدة جديدة
العربية لما بدورها الصبح بتدوروتبطل لما بدوس بنزين مش بتبطل وبتظبط لاخر النهار
وبحس بصوت صفارة كدا زى صوت سير بيحك لمدة دقيقة وبيروح خالص بعد الدقيقة ميظهرش تانى غير لما اجى ادور فى وقت تانى
تانى مشكلة بحس ان العربية صوتها مش عالى لكن بيعلى حاجة بصيطة وبيوطى زى اللى بتنهج كدا ( حلوة بتنهج دى )
المشكلة التالته بدأت احسن ان الدخان اللى طالع من الشكمان اسود وزيادة عن الطبيعى
وبصراحة مش عايز اروح لممكانيكية من غير ما كون فاهم لان اغلبهم بيفتكس ومش بيصلحوا حاجة واللى بيصلح حاجة بيوبظ حاجتين تانيين
منتظر ردودكوا
|