[مكس الاسكندرية]

المشاركة الأصلية كتبت بواسطة سيف الدين سعيد على فكره يا حبيبى انا نزلت اشتريت الـ 128 مو 2007 زيرو لأنى مؤمن بالعربيه دى وجبتها بـ 41.5 وصرفت عليها 2000 مابين سنتر وانذار وزجاج كهرباء ووحدات رفع . وفرش وسى دى . ومحافظ عليها والحمد لله وكنت ناوى اركب لها تكيف بس لقيت انه حايحتاج لعمل تعديلات بسيطه فى مقدمة السياره وكمان لازم يركب عن طريق وحدة اسبليت فى أسفل التابلوه وبالتالى سيلغى الدرج ويضيق الدواسه الأماميه . فلغيت الفكره . بس بجد انا بحبها جدا وباحترمها زى زوجتى تمام . تحياتى وربنا يحميكم انت وهى يكفيكم شر العين والطريق

مساء الورد

ربنا يباركلك فيها انا برضوا كنت عايز اركب التكيف لكن الموضوع كبير وعزل وتعديلات وملاهاش لازمة واحنا الحمد لله عندنا الجو في الصيف كويس مش محتاج تكييف بس المشكلة اما اكون في القاهرة بس الواحد يستحمل والحمد لله كده رضا
وعلى فكرة انا بعشق السيارات 128 بس اما جيت اشتري قالولي الافضل خليك في موديلات من 90 لحد 86 علشان الموديلات التانية فيها مشاكل
بس جبت موديل 87 وانا مش مقتنع بالكلام اللي اتقال لاني طول عمري مقتنع ان اي عربية هتحافظ عليها مهما كانت هتفضل كويسة معاك

وربنا يسترها من عنده

تقبل تحيتي وتقديري وخالص احترامي