[hazem_khidr]

هيا المشكله كمان بقت في سلبيه الناس اللي في التاكسي و الملاكي كمان
يعني اخر اسبوعين دا عملت يمكن اربع مشاكل بسبب ناس جايه عكس الاتجاه
او واحد راجع من الطريق و الاقي عربيه بيجو 7 راكب جايه في المخالف و جاي في وشي
و انا مش من النوع اللي ممكن اسيبه يعدي و ممكن ارجعه بضهره الشارع
المهم وقفت و كلمته ببرود و انا مكشر و بقوله ارجع ورا دا مش طريقك لقيته بيقولي ارجع انت انا مش راجع
قولته طيب انت حر بقي و جبت الموبايل من العربيه لقيته بيطلع الموبايل بتاع و بيتصل برقم و مجرد ما حط التليفون علي ودنه كان بيتكلم(بيعمل حركه بيخوفني بيها يعني) و عامل كأنه بيكلم اخوه و عمال يقوله انا واقف في الحته الفلانيه و عربيه قافله عليا و هات الرجاله و تعالي .
قمت متصل بالنجده و قولتلهم واحد داخل مخالف و قافل الشارع كله و مش مخلي حد عاوز يتحرك و باعت يجيب بلطجيه و و و و
لقيت والدته نزلت من العربيه و معلش يابني و حقك عليا و انا زي والدتك قولتلها ربي ابنك يا حاجه انا بقي حعلمه ازاي يبلطج كويس علي مخاليق ربنا و الناس اتلمت و كل واحد بكلمه بقي
الغريب محدش يكلمه هو و يجوا يتكلموا معايا و يقولولي ما البلد كلها ماشيه غلط جات عليه!!!!!
قولتلهم هو اللي وقع تحت ايدي و انا حعلمه ازاي يتكلم صح
الناس بدأتتكش و كل واحد سكت و حط لسانه في بقه.
مافيش اربع دقايق لقيت عربيه مرور قصادي!!!!!!!!
مكنتش متوقع انها تيجي اصلا بس انا كنت موقف العربيه بالعرض شويه الشرطه جات واخد الرخص من السواق
و بيقولي رخصك اديتهاله و شافها و قالي اتفضل فقولت للضابط شكرا و مشيت
و رغم اني كنت متأخر علي والدي و رايحين مشوار سوا بس عطلت نفسي يجي ربع ساعه و اخدت حقي في الاخر و لو غرم 1000 جنيه او حتي الضابط مشاه حيعمل حسابه بعد كده و عمره ما حيدخل مخالف تاني
الواحد لازم يبقي ايجابي لان دي بلدنا و لو ما غيرنهاش محدش حيجي يغيرها