[mr_astra]

يا باشا ولا يهمك
سهلى بامر الله

يوم الاثنين "ان شاء الله " تروح للشهر العقارى اللى عملت فية عقد البيع المسجل وطبعا معاك صورة منة ومحضر الشرطة
هناك هايطلعولك بدل فاقد منة والحمد لله انة عقد بيع مش توكيل

يوم الثلاثاء الرخصة كدة انتهت
هاتدفع الضريبة هناك فى مرورها وتجيب شهادة بيانات موجهه للمرور بتاعك(بقى من حقك) لان الرخصة انتهت والموظف هايكتبلك غير مطالب برخصة
هاتروح المرور بتاعك ومعاك شهادة البيانات
عقد البيع المسجل( بدل فاقد )
صورة من بطاقتك الشخصية
وهاتشترى من هناك
نموذج فحص وتجديد (سنة او 3 سنوات)
تدفع التامين الاجبارى (ضرورى قبل لما تروح للشباك) عشان يحدد قيمة التامين من شهادة البيانات
تختم شهادة صلاحية الطفاية
ترفع بصمة الموتور والشاسية
تختم الورق من مهندس الفحص
تروح على الشباك بالورق كولة وصور منة
هاتدفع رسوم وشوية مسائل لانك دافع الضريبة قبل كدة

وربنا يوفقك