[ام يزيد]

بجد تعبت بعد ماكانت المشكلة في الفلوس
اصبحت المشكلة في النوع
ولو رسيت علي نوع
يشككوني فية ويقولولي خليكي في المستعمل
وبعد ماقرر
ارجع واقول الزيرو احسن وارجع تاني لقصة الموديل
ولو حزمت اموضوع الفوايد بتقلقني خصوصا ان المبلغ الاولاني بقرض بضمان المرتب


اختكم محتارة
ومش عارفة اعمل اية
اول نزولة وفرجة كانت عند سمير ريان وقررت اخد وادفع عربون ال ار بي
ومع الحاح موظف سمير ريان وسعر العربية اللي كل اسبوع بيعلي لاغيت الفكرة خصوصا مع عدم توافر اللون اللي عاوزاة وانحصار الاختيار علي لونين الازرق البيبسي والاحمر

قلت خلاص مالها الريو شكلها تحفة وجديد وكيا بردة محترمة قالوا اللي بيقولوا دوول عبارة عن عيلتي وشغلي وانتم هنا
قالوا انها 1300والسحب ومش السحب ولية بنفس سعر الار بي ا قريب منة اشتري سي سي اقل
قلنا الصني الجديدة قالوا القديمة احلي ومتقفلة في مصر و 40 في الماية وكلاام كتير كدة

بعد كدة رجحولي الافيو علي ادي واد فلوسي وهقسط 30 الف بس علي فلوس القرض
انا اللي اعترضت وقلت قسط بقسط ماجيب عربية موديل جديد وخلاص

وعاوزة اقلكم اني مع كل الحيرة دي لسة جديدة في السواقة بس انا بقول مش مشكلة شهر تدريب علي العربية الجديدة هبقي تمام

والمستعمل حاجتين
ياما العربية طالع عينها وواخدة خبطة كدة ولاكدة وصاحبها عوز يخلص منها
يااما العربية نضيفة وصاحبها مش عاوز يخسر فيها يعني والله بلاقي ناس بتعرض عربياتها المستعملة باسعار قريبة من الزيرو وخصوصا الماتريكس والنيو اكسنت

فبقول حرام اشتري عربية ب 60 ولا ب 70 مستعملة

انتم هنا اخر امل بالنسبالي جوزي وكل اللي حواليا قالولي خليكي كدة عمرك ماهتركبي عربية
بس انا ابتديت استقر علي الريو الجديدة يعني اعتقد السحب دة والسي سي مش هيفرق مع واحدة عمرها ماساقت عربية
واسيبني من الار بي وسعرها العالي

شوروا عليا وانا امكانياتي 50 الف مقدم واقدر اقسط لحد 1500

وحاجة كمان اشتري دلوقتي ولا استني اول السنة