المشاركة الأصلية كتبت بواسطة Mohamedkhalilibrahim
نقاش حر يعنى من غير شغل فعلى ويدفع 18000 الف جنيه .. طيب والاقامه وتجديدها كل سنه بكام والدفع هيكون لكفيله ولا مين .. والكفيل فى اى مكان فى السعوديه وايه الى يضمن لو اتمسك من الشرطه السعوديه انه ما يترحلش وتضيع فلوسه .. ياريت تجاوب
|
اهلا وسهلا بحضرتك يا استاذ محمد
احب اجاوب على كل استفساراتك كالاتى:
سعر التأشيرات اللى بتتباع حره دايما بيبقى كده وكل ما زادت قيمة المهنة زاد سعر التأشيرة وعلى سبيل ال مثال تأشيرة المحاسب الحر 14 الف ريال ودى كانت معروضة على النت برضه
الاقامة وتجديدها على العامل طبعا وبتجدد فى السنة بحوالى 800 الى 1000 ريال وده كلام واحد صديقى فى السعودية
بالنسبة للدفع " لو حضرتك تقصد دفع ثمن التأشيرة بيبقى للكفيل عن طريق التحويل من هنا فى مصر للسعودية او يكون الدفع لى انا عند استلام التأشيرة
الكفيل موجود فى الرياض- واللى يضمن انه مايترحلش انه اول العامل ما بيوصل للرياض بيعمل الاقامة ويشوف حاله
ومن المعروف بالنسبة للناس اللى بتاخد التأشيرات الحرة دى انها مش اكتر من وسيلة لدخول السعودية وهناك طبعا بيكون مرتب امورة قبل ما يسافر "يعنى ينزل على واحد صاحبه - ينزل على حد موفر له وظيفة - او يسكن فى اى مكان مؤقتا لغاية ما يشوف شغل بنفسه"
وفى النهاية احب اقول لحضرتك انى مش تاجر تأشيرات ولا حاجه انا بعملها خدمة لواحد قريبى"الكفيل" مش اكتر
وتحت امرك فى مزيد من الاستفسار