29
الريس بيضحك بهدوء : وادى كمان فضيحتين جداد لنج ........ السفير الاسرائيلى والملحق العسكرى ف خبطة واحدة
د / بولبولان وهو بيضحك : لو فضلو على المعدل ده ياريس ........ مش هايلاقو حد ينفع فى اى منصب بعد كده
مدير المخابرات : وخصوصا ان الرئيس الاسرائيلى الجديد شيمون بيريز اغمى عليه من كام يوم فى تل ابيب
برومبو : واضح ان شيخ الازهر لما سلم عليه فى المؤتمر الاخير ....... اتاريه كان بيعزّم عليه بسورة يس
الكل ضحك على نكتة برومبو والريس سابهم على راحتهم وشوية وقال : شيمون بيريز كلمنى بنفسه واعتذرلى على اللى حصل من اخوانا البعدا دول
ووزارة الخاجية الاسرائيلية بعتت طلب استدعاء لكوهين وليفة وهايبعتو ورق السفير الجديد والملحق العسكرى كمان كام يوم
وبعتو حد من عندهم النهاردة ياخد بواقى موشى المحروقة فى حادثة الدائرى
مدير المخابرات وهو بيبص للريس: وبالنسبة للطلب اللى طلبته من سيادتك يا فندم ؟؟!!!
الريس : برومبو هو الى ف ايديه القرار
برومبو : قرار ايه سعادتك ؟؟!!!
الريس : مدير المخابرات قدملى طلب لضمك للمخابرات ....... ايه رأيك ؟؟؟
برومبو والدهشة على وشه : المخابرات حتة واحدة !!!!
مدير المخابرات : والطلب ده مش ليك لوحدك ........ ومعاك كمان زومة وسوكة ومجانص
د / بولبولان : انا مش موافق ياريس على الموضوع ده ........ احنا مانقدرش نستغنى عن برومبو ولا رجالته
وزير الداخلية : انت مش كنت عايزنى اطلع قرار قفل للمكتب بتاعة واسحب الترخيص
د / بولبولان : آه .... بس دا كان فى لحظة نرفزة وكمان سعادتك كنت موافقنى على رأيي
الريس : هدوء شوية من فضلكم .......... احنا مش هانتخانق يبقى مع مين .......... المهم انه فى النهاية بيخدم البلد
برومبو : قول الفصل يا فندم اللى سعادتك قولت عليه ......... مش مهم المكان المهم انى اقدر اخدم البلد فى اى مكان هاكون فيه
الريس : طب رأيك ايه فى الطلب ده يا كبير المفتشين
برومبو بص للشباب وبهدوء قال : الافضل انى اكون فى مكتبى وبس ياريس وانا تحت امر البلد فى اى وقت
الريس : كنت متأكد من ردك يا برومبو ........ فعلا دماغك كبيرة قوى.........
عموما انا اصدرت قرار بترقية الرائد ابو نورا والرائد ايمن بوند لرتبة مقدم وكمان منح عبقرينو رتبة مقدم فى المباحث ودى رتبة شرفية
الكل بيهنى ويبارك لابو نورا وبوند وعبقرينو ........ والريس شارولهم انهم يهدو شوية
الريس : انا لسه ماكملتش ........ ونقل د / بولبولان من المباحث الجنائية عشان يكون رئيس مباحث امن الدولة
وزير الداخلية : الف مبروك يا دكتور ....... يعنى ممكن عملية والتانية وتقعد على الكرسى مكانى وتنطرنى من عليه وتبقى انت وزير الداخلية
د / بولبولان وهو بيبص للريس : يا ريس دا كتير عليا والله .... مش عارف اشكر سعادتك ازاى ......
وبضحكة لئيمة شوية بص لوزير الداخلية وقاله " الله يبارك ف معاليك .....وبعدين يا معالى الوزير كلها سنة وسعادتك هاتطلع معاش
يعنى مش هاخد مكانك ولا حاجة ....... دى سنة الحياة ....... لو دامت لغيرك ماكنتش جاتلك " الكل ضحك بما فيهم الريس ووزير الداخلية
الريس : اما انت يابرومبو والشباب اللى معاك فانا اصدرت قرار بصرف مكافأة كبيرة ليكو ....
وكمان تأسيس مكتب مخبر خاص على حساب الدولة وهايكون مكانه جنب مبنى المخابرات وقصر الرياسة يليق باحسن مخبر جابته مصر
برومبو والشباب وكل الموجودين نسيو ان الريس قاعد معاهم وقامو بيهنو بعض وهاتك يا احضان
وفى الخلفية وراهم اجمل واحلى علم الواحد يعيش عشان يفديه ويحميه .......ويتحامى فيه
علم مصر
الى اللقاء مع المغامرة التانية من مغامرات المفتش برومبو