رد: مغامرات المفتش برومبو
27
ف مكتب رئيس الجمهورية فى قصر القبة ..... الريس قاعد على ترابيزة الاجتماعات وعلى يمينه مدير المخابرات وعلى شماله وزير الداخلية
ومعاهم مدير امن القاهرة و د / بولبولان رئيس مباحث العاصمة وف اخر الترابيزة ابو نورا وايمن بوند وبرومبو وعبقرينو وسوكة وزومة ومجانص قاعدين
مرتبكين من مقابلة الريس اللى خد باله من ارتباكهم واتنحنح
وبصوت هادى ورزين قال: طبعا انا اجتمعت بيكو النهاردة عشان اباركلكم على العملية الجامدة اللى انتو قومتو بيها
بصراحة يا ولاد انتو طمنتونى على البلد دى ......... طول مافيها رجالة زايكو
وزير الداخلية : دا بفضل توجيهات سيادتك يا فندم
الريس بصّله بنظرة عتاب : توجيهات ايه هو انا كنت اعرف حاجة عن اللى هما بيعملوه اصلا !!!
وزير الداخلية وهو حاسس انه مبلول من الكسفة : يا ريس احنا ماحبناش نزعج سعادتك بالعملية البسيطة دى
مدير المخابرات : انت بتسمى اللى عمله برومبو ورجالته دى عملية بسيطة !!!!........ دى ولا عملية فضيحة لافون فى الخمسينات
برومبو استئذن من الريس انه يتكلم : والله يافندم دا كله بتوفيق ربنا اولا واخيرا .........
ولولا ان الواحد ربنا مّن عليه بذاكرة كويسة ودماغ يعنى بتشتغل شوية وتعرف تفكر ..... ماكناش قدرنا نعمل اللى احنا عملناه ده
الريس : والفكرة دى جاتلك ازاى يا بطل
برومبو : انا دايما باحتفظ عندى بالاخبار اللى بتتنشر عن الاسرائيلين وفضايحهم وعمايلهم السودا ومن ضمن الاخبار دى الخبر دا سعادتك
وقدم برومبو للريس ملف فيه صفحة جرنان بص فيها وقاله " بس الخبر ده من سنة 2007 " وراح مديه لمدير المخابرات وقاله اقراه عليهم بصوت عالى
يتبع
__________________
عجبي علي العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبى !!( صلاح جاهين )
|