[حازم شاهين]

إحنا الحمد لله كنا فى المنتدى عارفين الموضوع ده من سنين قبل طرح العربية فى مصر
و كل مواضيع عن السيارة تم وضعها فى القسم الصينى للتأكيد

و للأمانة فى معرض فورميلا مندوب المبيعات كان بيحكى موضوع شراء شركة شانغهاى لشركة إم جى

و بالنسبة للوضع الحالى
شركة شنغهاى من أكبر أربع شركات السيارات فى الصين و هى بتنتج سيارات كتير بالتعاون مع شركات أمريكية زى جى إم , و بتنتج لها البويك وأوربية زى فولكس فاجن و سكودا و فى مجال النقل و الأتوبيس بتنتج إبفبكو و فولوفو
و السنة إللى فاتت شركة شانغهاى أنتجت ما يقرب من 4 مليون سيارة
و من أشهر منتجاتها حاليا السيارات إم جى و رو وى MG و Roewe و هما سيارتين ناجحتين و إجتازوا إختبار التصادم الأوربى

ملحوظة شركة شنغهاى إشترت شركة روفر الإنجليزية بالكامل تقريبا ما عدا الإسم إللى إشترته شركة تاتا الهندية (مالكة لاند روفر حاليا) علشان كده العربية إسمها رووى مش روفر

طبعا السيارات بتتصنع فى الصين فعلا لكن مراكز الأبحاث و التطوير مازالت موجودة فى إنجلترا و يتضم 35 مصمم و 275 مهندس إنجليزى