السلام عليكم معلش استحملونى على الاطالة
اخواني الاعزاء من كام يوم العربية بولونيز وانا ماشى على الطريق لاقيت مؤشر الحرارة رفع للــ 90 والمروحه مش شغاله مع العلم ان المروحه كانت بتشتغل قبل 80 ركنت بصيت على المروحه عملتها قفله لاقيت المروحه شغاله اتأكدت ان المروحه شغاله وبعدين الحراره رفعت شويه جت بعد الــ 90 بشرطه المروحه اشتغلت بتاعت التبريد
قولت ترموستات الريداتير بيخرف فكيت الترموستات مع العلم ان الترموستات مكتوب عليها 62 - 82 و اشتريت واحد زيه بالظبط حسيت انه مضروب المهم ركبته ودورت نفس الموضوع الحراره بعد التسعين والمروحه بتشتغل ، روحت رجعته وقولت مش هجيب حاجه وانظف القديم واركبه وصنفرت القديم وركبته
روحت للكهربائى قالى طالما الترموستات بتشتغل يبقى المشكله عندك فى مؤشر الحراره روح لواحد بتاع عدادات انا مش عارف اعمل ايه حد يقدر يفيدنى اروح لمين
ولو حد يعرف كهربائى يكون حابب المهنه مش حابب يفتى وخلاص ويعمل شغل وياخد فلوس ثمن الفتى