انا منصحكش بالصينى لانى كلامك بيقول انك مش هتغيريها وغير كدة مش حلوة عامتا
خليكى فى الكورى احسن ... قريب من اليابانى فى الجودة والاعتمادية وقريب فى السعر من الصينى
يبقى عند الشيفرولية سبارك و الهيونداى اى تن والكيا بيكانتو وياريت تستبعدى السوزوكى ماروتى لانها ضعبفة جدا 800 سى سى بس ..وشكلها مش انسيبابى خالص
انا عن نفسى كنت بختار بين العربيات دى كسيارة اخرى للعائلة واخترت البياكنتو... لانها تعتبر اافضلهم بعد مقارنات كتير ولاكن سعر قطع الغيار اعلى شوية منهم..بس العربية كويسة وليها سمعة برة مصر برضوا وجوة مصر وخاصة مع الوكيل الحالى ...
واسعارها كالتالى
بيكانتو تكيف وباور بـ 61 الف و جميع الكماليات بـ 65 وجميع الكماليات اتوماتيك بـ 71 الف
اما الهيونداى الاى تن 62 الف كاسيت وباور وتكيف و 69 الف جميع الكماليات و 76 الف اتوماتيك بس مفيش منها اتوماتيك
اما الاسبارك فهى بـ 55 الف
اما السوزوكى بـ 38 الف
وغلب محلات السيارات الى بتتعامل بالقسط بياخدو فلوسهم كاش من البنك وبعد كدة بتتعامل انت مع البنك وبتكون الفايدة طبعا مركبة وبتكون حسب المقدم وعدد السنين وبناء عليها بتحسب الفايدة وفى بعض التجار مش بيتعاملو مع
البنك وفى موضوع هتلاقية فى المنتدى باسماء وعناوينهم
وكمان فى بعض مديرى المبيعات بتعمل لعبة فى التقسيط مع البنك وهى افورة تمن العربية علشان يسفيد العميل من القرض بتاع البنك فممكن تعملى الحكاية دى
يعنى باختصار موضوع التقسيط دة طوووويل وكبير وقليل المقدم الى حضرتك عاوزة تدفعية لو كان حتى 15 او 20 يبقى كويس ...
لو هتقسطى الشيفرولية سبارك هتكون كالتالى
المقدم 15 الف و القسط الشهرى 1000 جنية هتبقى على 60 شهر يعنى العربية هتشتريها بـ 75 الف وهى تمنها 55 الف...
|