[الهولندى الطائر]

المشاركة الأصلية كتبت بواسطة mr_astra فعلا مقاومة الاسلاك تقاس بوحدة الاوم انما شدة التيار المار فى سلك ما يقاس بالامبير وكسور الامبير بس الاخ الهولندى يقصد يقول نقيس التيار المار على احد قطبى البطارة وبيقول ان اقصى حاجة طبيعية لسحب انذار وكاسيت السيارة لا يتعدى الرقم اللى قالة .........انما لو زاد عن كدة يبقى فى حاجات مشتركة شغالة حتى بعد فصل السيارة ماس او شورت سيركت تحيه عطرة للاخ samehlila تحيه عطرة للاخ الهولندى الطائر

فتح الله عليك أستاذنا مستر أسترا
انت اوضحت اللى انا قلته احسن منى

وأضيف
مش لازم يكون عندك كلاب ميتر علشان تعرف التهريب

الافوميتير بيتباع عند البقال وعلى الرصيف

دى ابسط أسس القياس العلمى

تحطه على الدائرة وتدخله على القطب السالب للبطارية وتقيس الشدة ( الامبير المار فى السلك
والعربية طافية ومن غير ما تشغل اى شىء
ان زادت القراءة بالملى امبير عن 75 يبقى كده فى تهريب او فى عضو X بيستهلك )

وده مش كلامى
ده كلام المهندسين المتخصصين فى صيانة وكهرباء السيارات
اى طريقة غير كده مع كل احترامى - اجتهاد لا فائدة ترجى من ورائه

وانا نشرت الطريقة لتحقيق الافادة للجميع هنا ولتصحيح ما ذكر

واعتقد ان الخلاف فى المعلومة العلمية لا مكان له
لان دى معلومات ثابته يعنى مش مجال للاجتهاد
لو فيه طرق تانية كان الخبراء قالوا عليها
انما هى دى الطريقة الوحيدة

وتقبل احترامى لرأيك