رد: رابطة ملاك ومحبى السفينه فيات 132
السلام عليكم ..
انا ولله الحمد اشتريت 132 موديل 1974 يوم الجمعة اللي فاتت..مستجد يعني...هي العربية رشة برة وجوة وفي النص وعاملة كل اللي ممكن تتخيلوه..بس اتصور ان الموتور كويس(1800)..
المهم..
انا واخدها من السوق وهي مليانة بنزين 80...طبعا في ظل ازمة البنزين 80 اضطريت احط 92...
لاقيت العجب..
العربية بتنتش على كل الغيارات حتى الاول وحاسس انها مكتومة..
جبتلها كابلات اجنيشن جديدة عشان اللي فيها كان منظرهم مش تمام قلت يمكن الشرارة بتتهرب..بس مفيش فرق..
طلعت من حوالي ساعة قلت اسهر قدام بنزينة شارع مصدق عشان افول 80 ..فولت والتانك كان بيشطب..
سبحان الله العربية ظبطت وبطلت تنتيش وبقت ممكن تقومها على الغيار التاني..
هل دي صدفة ولا فيه قاعده علمية تحكمها؟؟
افيدوني افادكم الله...!!!
هي مش واخدة على البنزين ال 92 مثلا ولا ايه؟؟
شكرا جزيلا..
اخوكم..د.احمد خاطر..
|