[screamseko]

.الحادث باختصار..اليوم في شارع بورسعيد بمدينة المنصورة الساعه 3 عصرا وقف قدام سيارتي سيارة شرطه"2 كبينة"رقمها(ب11-5918) ونزل منها السائق ولابس ملكي"بنطلون اسود وقميص"وفتح الباب الخلفي وكانت الصدمه..اذ بطفلتين ترتديان زي مدرسي ينزلا من السيارة ويدخلا شارع جانبي وللاسف لم اتمكن من تصوير المشهد واثارني ما رأيت فقررت ان اتحدث معه لافهم ما حدث الان..قلت له:عندي سؤال هيا دي مش سيارة شرطه ولا سيارة توصيل اولاد الباشا؟..قالي:معنديش اجابة..قلت له:يعني ايه معندكش اجابة انا عايز اعرف مين الظابط المسئول عن السياره دي؟واولاد مين دول اصلا اللي انت نزلت تفتحلهم الباب !!!!! قالي:انت مالك اصلا..قلت له:انا اللي دافع تمن العربيه دي من الضرايب المفروضه علينا وانا اللي دافع تمن البنزين اللي بتوصل بيه اولاد الباشا..واثناء كلامي معاه عمل مكالمة تليفونيه وانا واقف مستني لقيته بيحاول يطلع بالسياره وقفت ادامها وقلتله مش هتمشي غير لما تقولي انا مش هتحرك..قالي:يابيه انا عندي عيال مش عايز مشاكل..قلتله خلاص قولي مين دول اللي كنت بتوصلهم.قالي:عندك مديرية الامن روح بلغ انا مليش دعوه انا ممكن اتسجن انا وعيالي!!!..قلتله انا بعمل كدا عشانك فين حقك وازاي واحد زيك ينزل يفتح باب العربيه لعيال اد ولاده..قالي انا عبد المأمور ولو استنيت كمان شويه هتشوف حاجات تانيه برده..يابيه انا مش عايز حد يأذيني والداخليه عمرها ما هتتغير لو بعد الف سنه..لو عايز تبلغ روح المديرية بلغ انا مليش دعوة..وفعلا قدمت بلاغ لمديرية امن الدقهليه و مباحث الاموال العامه وادارة التفتيش والرقابة ورقمه(29001251210507)..دا اللي حصل بالظبط وطبعا كان فيه ناس شاهدين علي اللي حصل..سأترك لكم التعليق ..للاسف في ظل حالة الانفلات الامني وانتشار البلطجة سيارات جهاز الشرطه غير متاحه..حيث تُستخدم في نقل "ولاد الباشا"

مقتبس من الفيس