[silverlite]

سألنى احدهم لماذا تنتقد الاخوان بهذا العنف دول ناس بتوع ربنا
فكانت اجابتى ...
لو الاخوان حبوا مصر قد حبهم للجماعه كانت مصر حبتهم.
لو الاخوان اتسجنوا واتعذبوا بسبب حبهم لمصر مش بسبب افكار الجماعه كنا قولنا ثوريين.
لو كانوا الاخوان نزلوا الثوره من اول يوم ماركبوهاش بعد ما الموضوع قلب جد كنا قولنا ليهم حق يتكلموا باسم الثوره.
لو عرفنا مصادر تمويلهم وعلاقتهم بدول اخري ومين هم اهلهم وعشيرتهم ولو فى جهة رقابيه بتحاسبهم كنا قدرنا نطمنلهم
لو الاخوان حبوا باقى المصرييين قد حبهم لافراد الجماعه كنا هنحبهم احنا كمان.
لو الاخوان شرحوا ووصفوا واقنعوا الناس بان الاسلام هو الحل وقدموا حلول اسلاميه ملموسه على ارض الواقع كان يكون افضل من تشويه الجدران فى الشوارع.
لو الاخوان اهتموا بجوهر الاسلام اكتر من شكله كانت الناس ممكن تقتنع.
لو الاخوان وزعوا الخير اللى هم بيقولوا انهم يحملوه لمصر كنا حسينا بيه.
لو الاخوان اهتموا بالدعوه فى الاساس وبعدين السياسه كان الناس هتقتنع بانهم ناس بتوع ربنا بجد.
لو الاخوان ماتكلموش باسم الدين وعرفوا ان اللى بينتقدهم مش كافر ممكن يكون مسلم زيهم بس مش عاجبوا افعالهم كنا احنا نحترم رايهم وماكوناش موتنا بغيظنا على رايهم.
لو الاخوان مش متعودين على الطاعه العمياء لمكتب الارشاد كنا عرفنا نتناقش معاهم ونوصل معاهم لنقطه.
لو الاخوان بيبوسوا تراب مصر زى ما بيبوسوا ايد المرشد كانت هتفرق كتير اكيد