[nawwara]

طلعت امبارح من الكلية بعد ما خلصت محاضرات
شوفو لقيت ايه على العربية

واخدين بالكو انتو مكتوب ايه على الحيطة ...
اصحى يا شعب يوجد لدينا تزويد هواء
يا خراااااااااااشى ع الناس يا جدع
لا وايه .. المفروض انها منطقة راقية .. بجد حاجة تخنق
وخدو دى كمان .. دى بقى الخنقة الكبيرة
من يومين
كنت مطوقة العربية بالليل وفى الفجر بصيت عليها من الشباك , لقيت على الكبوت والاكصدام من الجنب نقط بيضاء
قولت فى عقل بالى مين النضيف قوى ده اللى طرطش تراب على العربية .. اظاهر انه ماعجبهوش انها متطوقة
المهم قولت لما انزل الصبح ابقى امسحها
ولما نزلت وشوفتها عن قرب لم اتخيل للحظة واحدة انها هاتكون بويا فضى فاتح منتورة على العربية , وطبعا مالهاش مسح والا هامسحها هى ودهان العربيا سوا
ولا مرة تانية ركنت العربية جنب مكانى اللى باركن فيه , نظرا لان فى واحد كان راكن مكانى , وكنت لسه غاسلة غطا العربية
نزلت مرة اشيل الغطا فوجئت .......
تخيلو ايه
الغطا كله من قدام مليان بصاق (اعزكم الله)
ياريت كده وبس
ده انا كان معايا الميكانيكى ساعتها وكنا بنشيل الغطا عشان يظبط لى العربية
وكنت عمالة احكيله على اللى بيحصل على الغطا , لقيته بيقولى .. طب هاتى شوية مية
روحت باصة على الازاز لقيت واحدة طاااااااازة حالااااااااااا
كنت هاجيب كل اللى فى بطنى
قولولى بقى بالله عليكم
ادفن نفسى ولا اعمل ايه
آدى البلد وآدى اللى عايشين فيها
عمااااااااااااااااااااااا ااار يا مصر
قال وعايزين البلد تتصلح
مش لما نصلح نفسنا الاول