[M.TONSY]

لسة شايف برد عندنا فى الهرم عربية لانسر وزيك كدة لفتت انتباهى كلمة هيئة قضائية عليا ومعمولة على لوحة خاصة بلاستيك تقريبا ومتبروزة وعليها طائر الرخ قصدى نسر بس اصله كان كبير
والصراحة الراجل ما كنش مفيم كان مركب ستاير بس
والانكى من كدة جارى مقدم بالجيش وكان مفيم عربيته فاميه مرايات وماشى زى الفل ولا حد بيديله مخلفات ولا بيقوله شيل الفاميه وانا على ستاير كبس امين شرطة كان هيدينى مخالفة بس طلع ذوق الصراحة
اعتقد طول ما فى تفرقة فى المعاملة بين المواطنين وموظفين الدولة سواء موظف عادى او مهندس او طبيب او قاضى او ظابط او وزير او حتى رئيس هتفضل البلد بايظة
المفروض كل دول موظفين دولة يعنى فى خدمة الشعب مش الشعب هما اللى خدامين ابوهم
زى ما بيحصل فى الدول المحترمة
لية واحد صاحبى سورى وعايش فى الامارات
بيحكى لى ان فى ابو ظبى المواطن هو اعلى درجة هناك حتى انه لو ضربت منك فردة الكاوتش بتيجى عربية الدورية تطمن عليك ويساعدك العسكرى فى تغيير فردة الكاوتش ده غير حاجات تانية كتير من هذا القابيل
يا رب اشوفك يا مصر بلد الحضارة قبل ما انام