[أيمن الروبي]

المشاركة الأصلية كتبت بواسطة zing0 السلام عليكم عاوز أسأل : معجون الدوكو يأخد وقت إد إيه علشان يكون شد و عضم تمام. يعنى ميطقطقش تانى؟ أنا أعرف لإن الموضوع ده بيختلف من الصيف و الشتاء بس فى امتوسط يعنى فى الربيع و الخريف مثلاً؟ جزاكم الله خيرا

مع احترامي للأعضاء اللي ابدوا مشاركتهم
المعجون بينشف مجرد مايتحط علي العربيه وبيعضم لأن البوهيجي وهو بيمعجن بيضيف علي المعجون ماده حمرا تعمل علي تنشيف المعجون في فته اقصاها دقيقتين

لو بقي عاوز المعجون يعضم ويقرف الصنايعي في الحك تسيبه ساعتين وترش عليه مياه وتسيبو لحد ما المياه تنشف لوحدها

وسبب ان المعجون يطق ليس بسبب طبقه سميكه كما يقال ولكن لعدم نظافة الصاج المضاف عليه المعجون يعني مثلا لو هنمعجن كابوت البويه بتاعته متشاله علي الصاج بواسطة المزيل او النار يبقي لازم نشيل اي صدا من علي الكابوت بسبب المياه او الندي بتاع الجو ونقوم بتطهيره بواسطة فوطه غرقانه تنر او بنزين ويفضل قبل المعجون مباشرة نصنفر الكابوت بصنفره ناعمه ونمسح الكابوت وبعد كده نطهره زي ماقولت ونمعجن كده عمر المعجون ما يطقطق الصنايعي المحترم واللي عنده ضمير بيعمل كده ولازم يحط طبقه سميكه ويصفيه بعد كده بالصنفره والصنايعي الصح يقدر يداري عيوب السمكري في الدق والاستعدال
الكلام ده من واقع 11 سنه خبرة وشغل في الورشه
واي استفسار انا جاهز