[sherifabden]

المقارنة

الشكل :
هوا مسالة اذواق بس انا شايف ان شكل الاربي اشيك واحلى
الاداء :
برضه الار بي افضل
السيراتو 2009 وحشة في الاداء علشان الفتيس القديم والالنترا اتقل من الار بي واللانسر 107 حصان بس
الثبات :
لانسر وسيراتو ثباتهم حلو وعن تجربة
الاربي ثباتها مش قد كدا وكمان الالنترا مش اوي في الثبات
الوسع :
الاربعة واسعين جدا وزي الفل (مع افضلية بسيطة للسيراتو)
الشنطة :
الكوريين عموما بيعرفوا يستغلوا المساحات كويس جدا وشنطة الاكسنت والالنترا والسيراتو واسعة جدا على عكس اللانسر
التكييف :
الاربعة تكيفهم تلاااااااجة
قطع الغيار :
الاربعة زي الفل في الناحية دي
اعادة البيع :
الاربعة زي الفل في الناحية دي
سهولة الصيانة :
الاربعة زي الفل في الناحية دي مع افضلية بسيطة للانسر علشان ماتورها ابسط من الاربي والسيارتو والنترا
العفشة :
السيراتو عفشتها شبه ناشفة والاربي عفشتها طرية وناعمة والالنترا معرفش بصراحة واللانسر عفشتها ناعمة وحلوة
الافضلية للانسر
التقفيل والخامات :
العربيات الاربعة زي الفل في الحتة دي
سهولة القيادة والابعاد :
اللانسر ابعادها افضل وشنطها مش عالية فابعادها افضل من السيارتو والاربي والنترا بكتير
قوة الصاج :
لانسر صاجها ممتاز جدا جدا وبعديها السيراتو اللي هيا صاجها افضل من الالنترا والاكسنت لكن باقي العربيتين ورق من بره وخاصة الاكسنت
العلو عن الارض :
لو انتا لوحدك في العربية مستحيل اي عربية من الاربعة تحك في المطبات
لكن مع الحمولة الاكسنت والالنترا والسيراتو واللانسر بيناموا
بس في افضلية بسيطة للانسر
لكن مش مشكلة الموضوع دا لان الحك في المطبات ملوش ضرر كبير وممكن تاخد المطب بزاوية وعلى فكرة الاكسنت حلوة في المطبات لانها قصيرة نسبيا فدا هيساعد في المطبات انما السيراتو والالنترا طوال شوية
استهلاك الوقود :
اكترهم اقتصادية في الوقود الاكسنت والالنترا واللانسر انما السيراتو استهلاكها عالي وخاصة مع الفتيس القديم
الاوبشن والكماليات :
طبعا اللانسر فقيرة جدا جدا في الكماليات مقارنا بالسيراتو و الاكسنت والالنترا
ومبروك مقدما