الموضوع: ارشيف الاستراحة 2009
عرض مشاركة واحدة
  #2272  
قديم 24-09-2009, 02:37 PM
salahabdelnabi salahabdelnabi غير متواجد حالياً
 
تاريخ التسجيل: Apr 2009
المشاركات: 1,228
salahabdelnabi is infamous around these partssalahabdelnabi is infamous around these partssalahabdelnabi is infamous around these partssalahabdelnabi is infamous around these partssalahabdelnabi is infamous around these partssalahabdelnabi is infamous around these partssalahabdelnabi is infamous around these partssalahabdelnabi is infamous around these partssalahabdelnabi is infamous around these partssalahabdelnabi is infamous around these partssalahabdelnabi is infamous around these parts
افتراضي رد: مغامرات المفتش برومبو
24

فى بيت برومبو عايوشة قاعدة بتتفرج على التليفزيون لقت الخبر بتاع الملحق العسكرى والتنويهات اللى عليه

راحت راقعة زغروطة جلجلت فى الحارة كلها وبصت من الشباك وندهت على الواد قصقوصة صبى القهوة

عايوشة : يا قصقص ......... يا قصاقيصو .......... انت يامنيل

 قصقوصة : ايوة ياست الكل خير ......... ايه الرضى السامى ده ......... والزغروطة الحلوة دى ليه

 عايوشة : شوفت الاخبار ياوله .......... قفشو البتاع الاسرائيلى ده وعملوله فضيحة بجلاجل

 قصوصة : الخبر مالى الدنيا كلها والناس فرحانة ومزأطاطين على الاخر

 عايوشة : فرق حاجة ساقعة يا واد على الحارة كلها والحساب عند برومبو ....... آه اومال ايه .......

دا راجلى وطنى جدا وبيحب يفرح فيهم ولاد الكلب دول

وفى نفس الحظة وهى عايوشة بتخلص كلامها مع قصقوصة رن جرس التليفون بتاع البيت ردت عليه وهى الفرحة باينة ف صوتها لقت واحد صوته تبت على الخط التانى

" الو منزل المفتش برومبو .......... انا العقيد محسن الحلو "

 عايوشة : محاسن الحلو مين يا اخويا ....... اه محاسن الحلو بتاعت السيرك

 " يا ستى محاسن ايه وسيرك ايه ........ بقولك العقيد محسن الحلو من امن الدولة "
عايوشة : معلش يا خويا اللى مايعرفك يجهلك .....يقطعنى........خير يا باشا ؟؟؟

 " لا مش خير ........... برومبو عمل حادثة وهو دلوقتى فى مستشفى الجلاء"

 عايوشة بفزع وقلق : الجلاء بتاعة الولادة ؟؟!!! ......... نهار اسود وايه اللى وداه هناك المنيل على عينه ده؟؟؟!!!

 " ياستى ولادة ايه ......... انا قصدى مستشفى الجلاء العسكرى اللى على الطريق الصحراوى تعرفيه ؟؟؟؟"

 عايوشة والعياط ابتدا يمسكها : لا ياباشا ماعرفوش طب حصلو ايه .........يا ضنايا يا برومبو ..... ايه اللى حصل طمنى ؟؟؟

 " هو كان فى مهمة خاصة بينا والعربية بتاعته اتقلبت باللى معاه .......... وهو عايز يشوفك دلوقتى "

 عايوشة وهى بتنهنه : طب والمستشفى دى اروحلها ازاى يسترك ربنا دنيا واخرة ؟؟؟؟

 " طب انا هابعتلك اتنين ياخدوكى على هناك طالما مش عارفة المكان............. هايكونو عندك كمان ربع ساعة تكونى جهزتى ......... شالوم "

 قفلت عايوشة السكة وهى بتلطم على خدودها ودموعها نازلة زاى المطر : يا سبعى ......... ماكنش يومك يابرومبو .........

يا مهنينى ........ يا ترى هاعمل ايه من بعدك يا جملى

 وبتدور على لبسها عشان تجهز قبل الناس ماتيجى تاخدها على المستشفى وهى بتلبس هدومها افتكرت حاجة فجأة

تنحت ووقفت فى مكانها ....... "هوقال ايه اسمه ايه ده ؟؟؟!!!!!!! "


 يتبع
__________________

عجبي علي العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبى !!( صلاح جاهين )
رد مع اقتباس