[Payoo]

مبدئيا أنا فضلت أني أكتب الموضوع ده في منتدى "سبير كار" لأن الفكرة لو لقت أستحسان الأعضاء يبقى الوحيد المؤهل لتنفيذها هو "سبير كار"

والموضوع ده موجه اكثر للأعضاء الذين يملكون سيارات 4X4 أو سيارات مثل الماتركس أو أي سياره يكون علي سقفها حاملين (تجهيزه لحمل Roof rack) على أن تكون سفاريتهم العائليه قليله

أمثله للروف راك




بما أن طبيعتنا كمصريين تجعلنا غير دائمي السفر للمدن الساحليه أو غيرها بصفة منتظمه - يعني أجدع عائله بتصيف في السنة مرة وبتشتي مرة (وحكاية تشتي دي أشك فيها كمان) - يبقى أكيد الـRoof Rack مش محتاجينه إلا في السنة مرة أو مرتين
وبما أن الروف راك أساسا شكله مش عاطفي وبيخللي العربيه شكلها مش ولا بد (من وجهة نظري) يبقى أكيد بعد ما بنرجع من السفر بنزله من على السقف لحين السفريه إللي جايه وغالبا بيبقى الفرق سنة أو أكتر
وكمان الروف راك بيخللي تنظيف السقف بيبقى صعب يبقى برضه متضطرين أننا نشيله لوقت العوزه في أي سفريه عائليه يكون معانا فيها شنط كتيره شنطة العربيه ماتقدرش تشيلها

عشان الأسباب السابقة فكرت في فكرة تأجير Roof rack بدلا من شراءه
يعني لما تكون مسافر ومعاك شنط كتير والعيله كلها معاك ومافيش مكان في العربيه يشيل كل الشنط دي تروح تأجر روف راك لمدة يوم أو أتنين أو حتى أسبوع وبعد كده ترجعه تاني
ومتهايقللي أيجار الروف راك يكون في حدود 20 أو 25 جنيه في اليوم
وبكده يبقى أنت وفرت تمن الروف راك وتأجره عند الحاجه فقط

وممكن لو أنت عندك روف راك ومابتستخدموش إلا في السنة مره يبقى ممكن توديه عند "سبير كار" مثلا عشان يأجرهولك للغير ووقت ما تحتاجه تلاقيه

في النهاية بما إننا مش بنسافر كتير ومش كل رحالتنا عائليه يبقى بدل ما نشتري لوازم السفر يبقى ممكن أءجرها مره أو أتنين في السنه حسب سفريتنا القليله

وممكن كمان نخللي الموضوع مش مجرد Roof rack لاااااا ... دأ أحنا ممكن نأجر كل لوازم السفر زي الحبال والخيام وغيرها وغيرها من لوازم السفر

ويبقى السؤال هنا هل تؤيد فكرة إيجار لوازم السفر لسيارتك إذا كانت رحلاتك العائلية قليله ؟