|
كلمة حق
كنت زمان بحبها بجنون
والغالى لها يرخص ويهون
تصدقوا بقيت مجنون
وف ارضى طريد ملعون
لانى ف يوم قلت الحق
جريمتى أن قلبى للغلابة رق
وقلت أنهم بخيرها أحق
بقيت م العذاب شق ف مدّق
جوة نفسى شجون مسجون
داق الهوان ألوان بمجون
وأيه بعد اللى شفته ح أكون؟
قسوة ظلام بعد قلب حنون!
عايزين نفاق وزيف وقمل وبق
وضحكة واسعة لعيشة بالزق
اللى جاع واللى باع واللى طق
ح يجى يوم الكل ح يقول لأ
الكل شاهد مهما عميت عيون
والاصيل عمره ما يوم ح يخون
واللى أتعمل بكره سلف وديون
واللى نسى يفتكر مصير فرعون
__________________
|