لا حول ولا قوة الا بالله
سلام عليكم يا جماعة
انا من حوالى 4 اسابيع استلمت فولفو 244 1976 (بس قبلها بشهر او اكتر كانت عند الميكانيكى والكهرباء وكده)
المهم
المشكلة الاولى
انه فى صوت تفتفة كده بيسرع مع دوسة البنزين وفيه رعشة فى الموتور وهوه بارد ولما بطفى الموتور ساعات كده يرعش رعشة او اتنين ويفصل (يعنى زى الكهرباء لسه مفصلتش)
بعد اما مشيت اسبوعين كده رحت نزلت الزيت ولقيته كمية كتيرة جدا (والراجل قالى حرام اللى فيها ده)
وغيرت وحطيت التعاون SJ 20w-50 4litersوبعدها بيومين غيرت فلتر الزيت
المشكلة التانية
روحت بيها مشوار من كام يوم وانا نازل سحبت المفتاح وتفاجأت لما رجعت انه كان على التشيك وزعلت جدا مشييت يا دوب 10 متر ومرضيتش تدور قعدت اديها بنزين من جنب الموتور علشان حسيتها شرقانة او حاجة زى كده المهم وقفت 10-15 دقيقة ودارت زى الفل
بعدها بكام يوم وانا ماشى تمام مرة واحدة بدوس بنزين متلقطش وبعدها العربية تفصل
رحت وقفت مفيش دقيقة ومشيت تانى تمام
المشكلة الثالثة
دورت من كام يوم(كانت مركونة) بس كنت مستعجل استنيت حوالى دقيقة او اكتر واديت مارش وطالع براحة حسيت العربية كتمت مرة واحدة وسمعت صوت غريب (ملوش وصف) ورعشة جامدة وبعدها طلعت كمية عادم رهيبة من الشكمان كل ده حوالى ثانيتين (بس ماخدتش بالى من اللون) بعدها مشييت محصلتش حاجة
وكمان قبل العيد بيوم حصل نفس مشكلة الفصل (بدوس بنزين متلقطش وبعدها العربية تفصل)
و كمان وانا بلف الدركسيون اتجاه شمال بحس ان فى زى طقة كده
ركنت العربية من ساعتها ومخنوق جدا
انا هنا حفييت على ميكانيكية لقيت بس 2 حتى الان فولفو وبعد العيد(كل سنة وانتم طيبين) احتمال اروح لحد فيهم ده لو مسيبتش العربية كده وبعتها(لان الاول شغله معجبنيش وحصلت مشكلة معاه)
ملحوظة (العربية ماشية على بنزين 80)
ياريت ياجماعة لو تطمننونى والحاجات دى صعبة ولا لأ واركن العربية ولا عادى بسيطة مع العلم انا مش بقرص على العربية ومشى خفيف جدا
شكرا مقدما واتمنى تطمنونى
|