[dr ahmed talaat]

السلام عليكم
اولا انا عارف ان الكلام الى انا باكتبة قد يكون ساذج الى حد كبير , بس اصل انا لسة جديد فى السواقة فا معلش استحملونى على جهلى شوية .
الموضوع بدا لما كنت ماشى بسرعة الى حد ما و لقيت مطب فى وشى المهم فرملت بس ملحتش فاخدتى جامد جدا ... بعد المطب العربية كانت بتطلع اصوات غريبة بس كانت ماشية . المهم كملت مشى عادى الحمد لله لحد ما لقيت لمبت الزيت نورت وسط الصحرا ( كنت رايح على التجمع ) فا قمت ماشى عليها للاسف ,كمان شوية العربية وقفت . نزلت بابصلقيتها بتنقط , زيت غالبا , وقف ناس حاولى يزقوا العربية و تدور ما دارتش . المهم قمت زاققها لحد البنزينة بتاعت الوطنية الى جنب كوبرى الشهيد . هناك الميكانية قالى ان الموتور قافش , و محتاجة عمرة و قالى اجيب عربية تجرها للبيت ,قمت قلتلة هات زيت بس و نحطة و ان شاء الله تشتغل . و جبت الزيت و الحمد لله العربية اشتغلت و دارت عادى . مشيت عليها بس كانت بتطلع صوت غريب (غير الصوت الى كان فى الاول ) و ملهوش علاقة بدوس البنزين او حاجة . بيعد شوية و ضاع و بقا بيجى كل شوية و بيجى اول ما ادور العربية . العربية سخنت فى الطريق قمت ركنت و لقيت المية واقعة جامد . زودتها و كملت المشوار و بس لقيت الفتيس بيطلع دخان ابيض لقيت الحرارة عالية , الحمد لله وصلت , هناك قمت فاتح الرايداتير لقيت المية قليلة . قمت مذودها و . لما وصلت هناك قعدت شوية . قمت اشو ف المية لقيت الرادياتير فاضى قمت مالى و كبست هوا ),بعديها بحوالى اربع سعات لقيتها نقططت زيت و مية بس مش كتير . لفت التجمع على ميكانيكى ملقتش .
و انا ماروح كنت عامل حسابى على انى اجيب جركن زيت احطياتى فى الطريق , المهم روحت العربية كانت بتطلع صوت تصفير حاسس كما لو كأنه احتكاك تروس فى بعضها بس غير كدة الاداء عادى جدا و الشد و الجرى عادى جدا والحرارة بعد كبس الهوا عادية جدا , علما ان المشوار كان من شارع التسعين لحد عبود شبرا و لفت شوية فى مدينة نصر على ميكانيكى ملقتش , و كنت واخد السكة الطويلة بتاعت ميدان الساعة روكسى السواح عبود ( علشان مش اطلع كبارى ) ( اثبات ان السكة كانت طويلة ).

شكرا مقدما و اسف جدا جدا على الاطالة و اتمنى لكم دوام الصحة و العافية
* نصيحة ( ربنا سترها معايا فى اليوم دة علشان كنت رايح دار ايتام , استحضروا النية الصالحة قبل الركوب و السفر , قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ لَا شَرِيكَ لَهُ وَبِذَلِكَ أُمِرْتُ وَأَنَا أَوَّلُ الْمُسْلِمِينَ ).