كوس قوي باشمهندس شريف ،، ptmnlo123per1112
حبيب هارتي علي رأي ابظبظ
وإنت كمان حبيبي يا باشمهندس أحمد
اولا ، الأسئلة الاجتماعية ،،
1- عرفنا بنفسك علي السريع ، دراستك - طبيعة عملك - محل اقامتك ptmnlo123per157
بكالريوس هندسة البترول والتعدين قسم حفر ، عملي مهندس حفر موجه
محل الإقامة القاهرة ،مدينة نصر
2- هل بتعتبر نفسك من النوع العصبي و لا من النوع المتسامح
لاني شفتلك مواضيع بتحكي فيها عن خناقاتك مع ناس
رغم ان كل اللي يعرفوك شخصيا بيأكدوا انك طيب القلب لاقصي الحدود ptmnlo123per183
أنا طيب والله لكن أحياناً بتعصب جداً في بعض المواقف السخيفة وبحاول أكون في الحدود ومأذيش نفسي أو الشخص إلي قدامي وعلى فكره المواقف دي دايماً في مصر أنا عمري ما افتكر اني إتعصبت بره مصر !!
3- ايه اكتر حاجة بتحبها في المنتديات ptmnlo123per1141 و اكتر حاجة بتكرهها ptmnlo123per1117
بحب في المنتديات تنمية الجانب الإجتماعي في حياتي بمعارف وصداقات جديده لأني أحب التعرف على الناس جداً
بحاول أجمع حسنات فها بأي شكل كان
بكرة فيها
النفاق ، المصلحه ، الكذب ،العقد النفسيه و حب الظهور
ثانيا ، الأسئلة السياراتية ،
1- سؤال سألته لاكسبرت ptmnlo123per196 في نفس الموضوع و معجبنيش رده
بصفتك واحد من اللي ليهم خبرة كبيرة في تعديل السيارات
انا شخصيا من اصحاب مبدأ شري العبد و لا تربيته ptmnlo123per110
و احنا مش هنفهم احسن من المصنع
السؤال بقه هل فعلآ ممكن اجيب عربية عادية جدا و اعدلها و تبقي عربية جبارة ؟؟ ptmnlo123per118
و هل ده مش هيؤدي لمشاكل و يطلع عيني و يخرج العربية من مفهومها الأساسي كوسيلة مواصلات مريحة بدون وجع دماغ
يعني ممكن اعدل عربية تبقي بثبات الألماني و نعومة الياباني و قوة و شياكة الإيطالي
من غير ما تخرب كلها في الآخر ؟؟ ptmnlo123per195ptmnlo123p er195
شوف بمجرد ما بدأت تعديل العربية يبقى إنت خرجتها عن مفهومها كوسيلة مواصلات إلى شيء أخر قد يكون تنمية هواية قد يكون إستخدام في السباقات لكن انسى راحة العربية الملاكي العاديه
أكيد العربية الرياضية اللي من المصنع أفضل من انك تجيب عربية لانسر عادية مثلاً وتجيبلها موتور EVO و عفشة و-AWD سيستم بتاع ال-EVO وتركبه فيها
بس إلي من المصنع بكام ؟!!
ممكن تعمل التشكيلة إلي قلت عليها دي بس هتصرف قد تمنها ٣ مرات وكله بيعتمد إنت بتعدل عربية رياضية في الاساس واللا بتعدل عربية عادية إلى رياضية
بمعنى أنا مكن أعدل الانسر العادية ١٣٠٠ cc وأخليها ٥٠٠ حصان
وممكن أعدل الانسر ال-EVO نفس الشكل وأخليها ٥٠٠ حصان
في الحالة دي ال-EVO أحسن بكتير علشان مبنية على أساس رياضي من البداية وهتصرف أقل بكتير ومشاكلها هتكون أقل من العاديه
2- ايه اكتر حاجة بتشدك للعربية ،،
ptmnlo123per179
طبعا بعد عوامل الأمان
السعر مقابل القيمة - الشكل الجميل - الانتريور - العملية - اعادة البيع - الاداء - الاعتمادية
كل العوامل اللي قلت عليها مهمة جداً في عملية الشراء وإن كان ميهمنيش السعر في إعادة البيع حالياً لأني مش ناوي أغير عربيتي إن شاء الله
3- بصفتك من الناس المجربين للعائلة الالمانية و العائلة اليابانية
في رأيك ايه الفروق بينهم ،، و انتا ميال لمين اكتر ptmnlo123per171
الفروق شنيعه وبصراحة الياباني لسة موصلش لجودة الالماني في بناء السيارات ودة مش معناه إن الياباني درجه تانية لأ
معناه إن الالمان ليهم طريقة ووصفة سحرية في بناء عربيتهم تخليهم متفردين بالأله دي بدون محد يقدر يعمل زيها وتخلي اللي إمتلك عربية من عربياتهم يفكر مليون مرة قبل مايجيب أي نوع تاني ياباني أو اروبي أو كوري
كل شيء في العربيات الالماني بيبرمج دماغك إنه الافضل حتى لو كانت بعض الموديلات الياباني قربت كتير من الالماني لكن لسة ماعندهمش الوصفة والنكهة السحرية
4- عربيتك القادمة ان شاء الله داخل الامكانيات المتاحه و خارج الامكانيات المتاحة
عربيتي القادمة إن شاء الله واللي بفكر أجيبها جوا مصر سيات ١٢٦ أو ١٣٣
و أمشي مرتاح البال واللي عاوز يحك ويكسر ويزنق ويخربش و يقطع الغطى ويسرق المساحة أو حتى يسرقها كلها يتفضل
في خارج حدود الامكانيات
مرسيدس 65 AMG ودي النسخة الرياضية من ال-S600
BMW M5
ميتسوبيشي Evolution X
ptmnlo123per117ptmnlo123p er133ptmnlo123per133