كل التحية والتقدير لكل المشاركات السابقة القيمة فى مجملها ولطرح الموضوع من البداية
بس انا عايز اقول ان المشكلة موجودة طبعاً ومش خاصة بالعربيات الصينى بالعكس فيه عربيات اوروبية او يابانية او امريكية او روسية بتنقد بنفس الطريقة اللى بيبان فيها الكره والرفض التام بشكل غير موضوعى احياناً ومبالغ فيه
لكن فى الجانب الاخر فيه ناس بتبالغ فى ذكر محاسن العربيات بشكل قد يكون مستفز للبعض بشكل يخليهم يهاجمو العربية بالشكل المبالغ ده
وفى الواقع كمجتمع سيارات قائم على اراء العامة (بما فيهم النخب) طبيعى نلاقى النوع ده من المشاركات الغير موضوعية سواء ايجابية او سلبية
ودايماً بنقول ان على القارىء والمتابع للمواقع الاجتماعية انه يتحمل مسئولية تمييز المشاركات الموضوعية او القيمة او ما دونها وبنحاول كلنا نساعد فى تمييز المشاركات الموضوعية والقيمة بالتفاعل سواء بالشكر او التعليق او التقييم الايجابى وتثبيت الموضوعات
وبالتالى المطلوب منا جميعاً تشجيع الايجابية سواء اننا نتحلى بيها فى ردودنا ومشاركتنا او بالتفاعل معها زى ما قولنا وحتى المشاركات السلبية التفاعل الايجابى معاها هو اننا نرد عليها ونصلح للناس فحق الرد مكفول دائماً للجميع
تحياتى للجميع مرة تانية وكل سنة وانتو طيبين
