[AbOnOrA]

كل سنة وانتو طيبين وعيد سعيد عليكم جميعاً يارب

انهارده مصر موتورز كفكرة مر علية اكتر من 6 سنين وكعمل فعلى داخل فى السنة الخامسة والفترة اللى فاتت اتحقق فيها حاجات كتير ولسه عايزين نحقق حاجات اكتر بس دلوقتى مصر موتورز بقا يجمع اجيال وخبرات متفاوتة بعضها اعضاء عاديين او فى الادارة وكلنا هدفنا الافضل لمصر موتورز اللى بنفخر بانتمائنا ليه ولمصر عموماً ومجتمع السيارات المصرى اللى احنا اعضائه برضو ومهتمين بيه

انهارده انا بدعو الجميع للمشاركة فى نقاش حول مستقبل مصر موتورز فى الفترة الجاية بعيون الجميع وهيكون طرف اساسى فى النقاشات ان شاء الله اخونتا وزميلنا فى المنتدى يحيى اشرف باعتبارة احد اعضاء الجيل الجديد فى مصر موتورز والعبد لله ممثلا عن الجيل القديم شوية

مفيش اجندة محددة للنقاشات بالعكس الدعوة للنقاش عن كل شىء سواء الادارة او الانتخابات الجاية ان شاء الله او مقترحات التطوير او الافكار كل حاجة هنتاقش فيه ان شاء الله