رد: هل اشترى الاكسل
اخى الحبيب كل عام وانت بخير
انا معايا اكسيل من سنتين 1300 سى سى موديل 96 اول ما اشتريتها كانت فعلا بتحك فى المطبات بطريقه مستفزه وركبت 4 علايات من يومها انسى المطبات عربيه واسعه جدا مقارنة بالفيرنا والاكسنت والسوزوكى سويفت قطع غيار ببلاش نادرا لما تعطل (بس عربيتى حاله شاذه) مريحه فى السفر انا سافرت بيها الغردقه من بلدى المنزله دقهليه فى 8 ساعات مره واحده بدون راحه ومشغل التكييف وماشى على 170 كم (اجدع سواق اجره عندنا بيروحها فى 11 ساعه) بصراحه عربيه زى الفل (لو حالتها حلوه) وكنت شاريها ب 32000وعملت بيها حوالى 25000كم فى السنتين وعدادها حاليا 185000 كم لو العربيه حالتها كويسه اتوكل على الله وعلى فكره انا من هواة الشد على الطريق والسباق مع فلان وعلان والحمد لله العربيه دى بتمسح الطريق مافيش حاجه اسمها حد يعدينى
|